Subscribe: Comments on اه منك يا دنيا: تعليق علي ذكري بهائية ... هل لقي عندي كراهية ؟؟
http://ahmnkyadonia.blogspot.com/feeds/3764088811514690286/comments/default
Added By: Feedage Forager Feedage Grade B rated
Language: Arabic
Tags:
أن  الحمد لله  الله  اللي  ان  انا  على  علي  عن  في  لا  ما  مش  من  ولا  يا 
Rate this Feed
Rate this feedRate this feedRate this feedRate this feedRate this feed
Rate this feed 1 starRate this feed 2 starRate this feed 3 starRate this feed 4 starRate this feed 5 star

Comments (0)

Feed Details and Statistics Feed Statistics
Preview: Comments on اه منك يا دنيا: تعليق علي ذكري بهائية ... هل لقي عندي كراهية ؟؟

Comments on اه منك يا دنيا: تعليق علي ذكري بهائية ... هل لقي عندي كراهية ؟؟





Updated: 2017-12-12T14:25:57.020+02:00

 






مجداوية شرفتينا بالزيارة و اكتر بسؤالك الطيب عني :...

2009-04-05T22:12:00.000+02:00

مجداوية

شرفتينا بالزيارة و اكتر بسؤالك الطيب عني :)

انا اعرف حضرتك من رحايا العمر و موناليزا وجنة :)

بارك الله فيك واشكرك جدا

جزاكي الله خيرا

الله يهدي حالنا يارب

-----------------

اختي العزيزة موناليزا

انا الحمد لله احسن كتير بس لسه محبوسين في الجبس والسرير:(

بس الحمد لله



اليس الجميلةعاملة ايه دلؤتى ياحبيبتىطمنينى عليكِ و...

2009-04-05T17:25:00.000+02:00

اليس الجميلة
عاملة ايه دلؤتى ياحبيبتى
طمنينى عليكِ وربنا يخفف عنك يارب



السلام عليكمقرأت في مدونة أختنا الغالية جنة أنك اص...

2009-04-05T03:30:00.000+02:00

السلام عليكم

قرأت في مدونة أختنا الغالية جنة أنك اصبت في قدمك فجئت للاطمئنان عليك

لم أتشرف بك من قبل وسامحيني على المعرفة في ظروف اصابتك

لعلك الآن بخير ,شفاك الله وعافاك

نحن عندما نكره في الله ومن أجل الغيرة على دين الله يكون وساما على صدورنا
فنحن نكره كفرهم ونكره اعلانهم السافر عن ارتدادهم ومن لا يعرف القانون المصرى فهم مدانون باعلان الردة وبالفعل يجب أن يقبص عليهم ويسجنوا

ولا حول ولا قوة الا بالله



السلام على من اتبع الهدى ودين الحقاولا الكلام ليكى...

2009-04-02T19:03:00.000+02:00

السلام على من اتبع الهدى ودين الحق
اولا الكلام ليكى يا اليس ياريت يا بنتى تكتفى بما نشرتيه انا شايف انه مافيش داعى تتعبى نفسك فى الرد على الاخ اللى مالوش دين ده .
ثانيا يا استاذ هذه المدونه معروفه ب
خصوصيتها وما فيش حد بيشتم حد انته فهمت كده انته حر وارجو ان تجد لك مكان تانى تنشر فيه افكارك دى والله كلنا هنا بنحترم بعض ومافيش حد بيهاجم ارجو ان تكون فى حالك وتشوفلك مكان تانى.
مدحت



انا لم اطلب منك الافصاح عن معتقداتكانت ليه بتتعامل...

2009-04-02T15:17:00.000+02:00

انا لم اطلب منك الافصاح عن معتقداتك

انت ليه بتتعامل معايا علي اني واقفة شايلة شعله نار و بولع في القش

ديننا مش قش علشان يأثر فيه شوية كلام ولا افعال "قلة من المصريين " علي حد قولك

لو دخلت اتناقشت مع واحد نصراني عن المسيحية و المسيح و معتقداتهم لازم اكون علي قدر من العلم الديني والمعرفة علشان اقدر ارد عليهم القول بالقول والحجة بالحجة

ان كان علي الاساءة و التجريح دول ليهم ناس كتير قادرين علي استعمالهم علي اسوء ما يكون زي الامثلة اللي ذكرتهم انت

و تشبيهي للافكار دي بالمخدرات انا اديت المثال علي انا كمسلمة
افكارهم طول ما هي جواهم و مخرجوش بيها براهم فهم احرار زي ما بتقول
"انك لا تهدي من احببت ولكن الله يهدي من يشاء"

لما تيجي لحد باب بيتي و تفرض نفسك عليا .. يبقي من حقي اصوت والم عليك الناس - معلش علي المثال ..بس بحاول اقربه شوية احسن ما استخدم كلمات رنانة

احنا يا استاذ مش مع العنف واستخدام الاساءات بكافة اشكالها

مش بكره الكافر .. بكره افتراه علي اللي خلقه
مش كارهه البهائيين .. اكره انهم يسمموا بافكارهم شبابنا


الراجل بتاع سوهاج اللي انت قلت ان منزله اتحرق .. عايش في وسط الناس دي بقاله سنين
وهو نفسه قال انه اتعرض لايذاء من ناس لانه مجاهر بافكاره

و اظن انه كبير كفاية علشان يعرف ان جهره بافكاره في قناة فضائية هيكون له تبعيات قوية و من ضمنها حاجة زي اللي حصلت

حرق منازلهم همجية .. مش هختلف معاك

بس احنا عندنا في ديننا المسلم اللي يرتد عن دينه يقتل
انا مش هفتي في شرع الله لاني غير مؤهلة للدور دا و له ناسه و علمائه


سؤال بمناسبة انهم مصريين .. هل هما صحيوا من النوم فجأة افتكروا انهم مصريين ؟؟ السنين اللي فاتت ليه محدش كان سامع عنهم ولا يعرف عنهم شيء؟؟
متشبهش افكارهم بالمسيحية لانهم المفروض اهل كتاب و مجبرين اننا تعامل معاهم من مبدأ قول الله :لكم دينكم ولي دين
كون ان فيهم ناس بتعتبر الاسلام زي ما بتقول دا لا هيأثر في الدين ولا يمسه بسوء .. لان الحق احق ان يتبع و ربنا بينور بصيرة من يشاء

ممكن حضرتك تكون قدامي وبتشتغل معايا في مكتب واحد بمعتقداتك وهي غريبة عني و دا ميأثرش علي عملنا .. بس اللي العمل دا هيتأثر بمجرد ما معتقداتك دي تخرج براك و تبتدي تتكلم فيها و اتكلم فيها

هما علوا صوتهم بافكارهم
من حقنا نرد عليهم
القول بالقول
مش بالحرق
و الله اعلم مين اللي حرق

متنساش ان في بهائيين مقيدين انهم يهود ومسيحين

مش لازم يكون اللي حرق المنازل مسلمين
وخصوصا ان الصعيد فيه نصاري كتير و اشد تعصبا لمعتقداتهم من بتوع بحري والقاهرة

انت شايف فينا كراهية لناس كل طلباتهم يكونوا مصريين متساوون في الحقوق .. صح؟؟

البلد دي ليها دستور بيكفل حرية العقيدة .. وعقيدة = دين
و الاديان = اديان سماوية ثلاثة
والدين عند الله = الاسلام
و بتتحكم الدولة دي من خلال الشريعة الاسلامة -عموما وان اختل ميزان العدل في بعض الاحيان الكتيرة دلوقتي

انت ممكن تكون بتدافع عن حرية انهم مصريين يبقي ياخدوا كل الحقوق

تقدر تقولي ليه لما هما نسلهم ما بينهم .. ليه دلوقتي بيندسوا وسط الناس و في منهم اللي تزوج مسلمة علي ادعاء منه انه مسلم ؟؟ دا تسميه ايه ..

بتسال علي الخطر ف ايه ؟؟
الخطر في ان الناس تدعي انها عايزة المصلحة العامة للبشرية بغض النظر عن اعتناق كل واحد لمعتقداته بصورة فردية وهم في الحقيقة يقولون ما لا يفعلون و فعلهم كله انهم يقوا شوكتهم اكتر واكتر و يفرضوا نفسهم علي المجتمع

زي الشواذ اللي في بعض البلدان حصلوا علي الحق في الزواج والاعتراف بوجودهم
هيجي علينا الدور في البلد و دول يطلعلهم حس هما كمان ويطالبوا بالاعتراف بيهم .. مش هما كمان مصريين وعندهم بيوت و عائلات ؟؟!!!

يا ريت ترد عليا

ايه الفرق بين ناس ليهم معتقداتهم بينهم وبين اشباههم و الفرق بين انك تقف فاتح صدرك قدام العالم كله وتستفز فيهم و تطلعلهم لسانك و تتصعبن عليهم علشان تاخد منهم كلمة طبطبة علي حال الغلبان المضطهر اللي بيغرس انيابه في اللحم الحي

يشهد الله اننا لا نحمل في قلوبنا اية كراهية لانسان
زي ما قولتلك لو هكره فانا هفكره فكرة ضالة و ادعي لمعتنقها بالهداية و بالمعروف مش بالدم والحرق

الدم مش بيجيب الا الدم و نزيف لا ينتهي

اما الكلمة الطيبة فخير وابقي



لست بهائيًا ومن غير الضروري ان افصح عن اعتقادي. أو...

2009-04-02T14:32:00.000+02:00

لست بهائيًا ومن غير الضروري ان افصح عن اعتقادي.

أود ان اتعرف على نوعية التهديد التي يمثله البهائيين المصريين على عليكم وعلى أطفالكم؟ وانا غير مهتم بمخالفة معتقداتهم للدين الإسلامي أو أن شعائرهم مختلفة عن شعائر دينكم، أريد أن أعرف ما هو التهديد الحقيقي الملموس الذي يمثله اعتناق مصريين آخرين لدين آخر مختلف. مصر بها مسيحيين لا يؤمنون بالرسول محمد ولا يؤمنون بوحدانية الله كما يؤمن بها المسلمون. بل أنه في أحيان كثيرة نرى أساقفة أقباط على شاشات التليفزيون يشككون في الاسلام منتهى التحدي.

هل تعرفون أن الاسلام بالنسبة للمسيحية لا يختلف كثيرًا عن البهائية بالنسبة للإسلام. المسيحيون لا يعترفون بأن الاسلام دين سماوي، بل أن المتشدديين والمتطرفون الانجيليون يقولون أن الاسلام دين الشيطان، وهم (الانجيليون) ينتظرون الحرب المقدسة على الشيطان ودينه على حد قولهم.

هل تعرفون أن هناك أناسًا آخرين شاهدوا ذلك البرنامج على قناة دريم الذي استضاف رجل بهائي من سوهاج. هؤلاء من شاهدوا البرنامج كانوا جيران ذلك الرجل، ولم يتحملوا أن يخرج الرجل على الملأ ويعلن عن دينه. هل تعرفون ماذا فعلوا.... لقد حرقوا منازل أربعة من البهائيين في القرية وامتدت النيران لتحرق منزلين آخرين لمسلمين.

كما بينت لك سابقًا، انت لست مضطرة لاستخدام ألفاظًا نابية لتقومي ببث روح الكراهية. يكفي ان تتهميهم بالردة عن دين الاسلام فيقوم بعض الموتورين بتنفيذ حد الردة فيهم. يكفي ان تشبهيي معتقدهم بتعاطي المخدرات فتقومي بتأليب الناس عليهم. وهناك الكثير من الكراهية في قلوب انس يعتقدون انهم يحبون الله ويحبهم، ولا اقصد أحد هنا بذلك، ولكن عزيزتي ألا ترين أن هناك مما يقوله البعض بكل حسن النية ومن الممكن أن يتسبب في الكثير من المصائب. الانسان يتكلم ولا يلقي بالاً للكلمة التي تخرج من بين شفتيه وإلا وهي تحرق الأخضر واليابس.

هؤلاء البهائيين هم أولاً وأخيرًا مصريين، ومارست عليهم الدولة المصرية اضطهادًا حرمهم من أوراقهم الثبوتية وحرم مواليدهم من شهادات الميلاد وجرعات التطعيم وحرم أطفالهم من التسجيل في المدارس. تخيلي أنت أن تعاملك دولتك بهذا الشكل لمجرد أنك ضمن أقلية قليلة لن يتعاطف معهم الناس. ليس لهم ذنب أنهم ولدوا بهائيين كما ولدت أنت وأنا على ديننا. الدين عزيزتي ليست له علاقة بالعقل أو المنطق، أكثر أصحاب الأديان في جميع أنحاء العالم يولدون ويموتون وهم على نفس العقيدة، فليس من المعقول أن نطلب من كل البهائيين المصريين أن يختاروا دينًا آخر.

يمكنك قراءة خبر تحريق منازل البهائيين في سوهاج على هذا الرابط:
http://www.almasry-alyoum.com/article2.aspx?ArticleID=205317



سلام عليكم ايه يا بنتى مش بتنامى سيبيها على الله ا...

2009-04-02T08:02:00.000+02:00

سلام عليكم
ايه يا بنتى مش بتنامى سيبيها على الله المهم تموتى كملتى وصليتى الفجر .. بالنسبه للاخ البهائى بقوله اى مجموعه أقليه فى مجتمع بتعر بأن اى شخص يتحدث عنهم ولو حديث عادى يؤمن ايمان راسخ بأنه حديث كراهيه عنه .. هيه حكت اللى شافته وحذرتنا عشان اولادنا زى مانت حريص على أن اولادك برضه يكونوا بهائين خلى عندك ثقه فى نفسك واعلم شئ واحد ان اننا نؤمن بكتاب الله والكتابين اما انتم فلا نؤمن بافاكركم قرات عنها كثير جداااااا(نشأتها/مبادئها/افكارها/اسلوب دعوتها ) ولم افهم شئ او اقتنع بأى شئ منها فما هى الا كلام مرسل ارجو انا يهدك الله وينير بصيرتك ويحسن خاتمتنا وخاتمتك .
مدحت



مش حقيقي اللي حضرتك ذكرتهانا مقلتش انهم قلبوا التر...

2009-04-02T04:05:00.000+02:00

مش حقيقي اللي حضرتك ذكرته

انا مقلتش انهم قلبوا الترابيزة علي اللي موجودين و شتموهم ومشيوا

انا قلت انهم كلهم اتصدموا و محدش منهم قدر يعلق او يسال علي حاجة و رجعوا وهما مصدومين لان مفيش حد منهم كان فاهم حاجة

و معلش انا من حقي اقول لمن يدعي علي الله ظلما انه بيظلم نفسه و من حقي اقول انه فيه خطر علي شباب المسلمين لانهم ان كانوا زمان مش بيبشروا باعتناقهم الفكر دا فهما دلوقتي بيبشروا بيه وبيعلنوا الكلام دا و من حقي كمسلمة اقول اعتراضي

مفيش حد شتم في الشخص دا

الكل كان زعلان لانه طلع بدون ملة او دين

و متحاولش تقول ان البهائية دين

ربنا لم ينزل من الرسالات الا ثلاث اليهودية والمسيحية و جاء الاسلام ليكون دين الله " ان الدين عند الله الاسلام"


اللي عايز يمارس حريته يمارسها بس بدون ايذاء لغيره وخصوصا لو غيره دا مش فاهم اصلا بيجري معاه ايه

لما تيجي تقولي اشربي مخدرات دي حلوة و بتعمل دماغ وبتنسي الواحد الهم والقرف اللي عايش فيهم .. يبقي من حق اي انسان عنده نخوة يوقفني . يقولي لا اوعي .. خافي علي نفسك و صحتك و قبل الكل خافي من ربنا لانك بتظلمي نفسك

لما شاب اهله قصروا في تعليمه دينه و مبادئه و نيجي نقوله حاسب من اللي بيدعوا افكار مخالفة لدينك .. ابقي خايفة عليه و بنصحه مش بحرضه علي الشر

كلنا مقصرين في حاجات كتيرة اوي في حياتنا

انما حتي الكلمة و لما تكون كلمة حق عايزين تطلعوها باطل بادعاء انها محملة بكراهية ؟؟

شفتني جبت سيرة اي دين من الاديان السماوية بشر او بسوء ؟؟ اعتراضي او اتفاقي مع اصحاب الدينين اليهودية او المسيحية لن يغير شيء .. انا مؤمنة بتوراة الله التي انزلها علي اليهود ونفس الشيء بالنسبة للانجيل المذكور في القرآن الكريم

كون اللي موجود دلوقتي صح ولا محرف ولا فيه ايه .. لا يعنيني في شيء لاني عندي كتابي الحمد لله رب العالمين ان هدانا اليه وما كنا لنهتدي لولا ان هدانا الله

الكراهية يا سيدي مش هتلاقيها في قلوب بتحب ربنا

ونكره حد تاني ليه واحنا بنتمني الخير للناس كلها و بندعي ربنا يغفر لنا جميعا ذنوبنا جميعاا و يدخلنا جنات النعيم

الفكرة مش شعور بخطر .. لان دينا باقي بقاء الدهر مهما حاولوا يدسوا في نفوس الناس افكار ملوثة عنه .. وثق انه الباقي و ان المسلم مهما غلط و مهما عمل من معاصي بيجيله وقت بيتوب الي الله و بيتمني رضاه و بيستغفره و بيعمل دا بحب لربنا


لو تلاحظ انا لم اناقش افكار المعتقد البهائي ايا كانت هي ايه لا تعنيني .. ربنا يهدي اللي مصدقها

انا حكيت موقف حصل معايا في مدونتي الخاصة و حكيته بامانة انت محستهاش يمكن لانك متوقع السوء من الاخر .. الله اعلم مش هظن فيك الا خير الله وحده يعلم خفايا الصدور
ولما حكيت تاني عن برنامج شفته كان تعليقي علي البرنامج
و قلت علي مواعيد الاعادة علشان اللي يحب يشوفه

الكراهية هتتوجد في القلوب الفارغة

و الحمد لله رب العالمين قلوبنا مفيش كراهية لحد

انا لو تلاحظ مقولتش عليهم كلمة وحشة ولا لعنتهم ولا شتمت

انا قلت الله يهديهم و يهدينا جميعا حتي نري الحق حقا ويرزقنا اتباعه و الباطل باطلا و يرزقنا اجتنابه

اشكرك علي الرد و اتمني تقرأ ردي وتفهمه



مع ان الرجل كان يعامل كل من حوله بطريقة جيدة وبشها...

2009-04-02T03:42:00.000+02:00

مع ان الرجل كان يعامل كل من حوله بطريقة جيدة وبشهادتك أنت نفسكـ ولم يحاول في يوم التبشير بدينه بدليل انه ولا أحد منكم عرف دينه يوم وفاته، ومع ذلك لم تعرفي أنت ولا زملائك التعامل مع هذه القضية بحيادية أو موضوعية.

فبمجرد معرفة المعزيين بدين الرجل، أسقط في يديهم ورغبوا في مغادرة المكان، ولم تشفع سنين الزمالة لرجل أنتم شهتدم بحسن خلقه. ماذا سيحدث لو أعربوا بكل وضوح عن جهلهم بدين البهائية وشعائر الدفن عندهم وأعتذروا بلباقة عن المشاركة في هذه الشعائر لأنها قد تكون مخالفة للإسلام ثم قدموا لأهل الفقيد العزاء وانصرفوا. من الممكن أن يكونوا قد فعلوا ذلك ولكن لم يكن هذا واضحًا في رسالتك.

خطاب الكراهية أستاذتي ليس بالضرورى أن يحوي سبابًا وشتائمًا ولكن يكفي أن يحوي اقصاءًا للآخر وإنكارًا لحقه في ممارسة حريته وتحريض الآخرين على على ذلك.

الموضوع أكبر بكثير من أفكارك التي كتبتيها أو مروري بالصدفة على موقعك. أنتم جميعًا تشعرون بالخطر والتهديد مما لا تعرفون وما يزكي ذلك أن الجهات التي تلجأوون إليها لإزالة اللبس واستفهام الأمر مستفيدة من إلهاب المشاعر وبث الفرقة وإلهاء الناس عن مشاكلهم الحقيقية، وفي أحيان كثيرة غير أمينة عندما يتعلق الأمر بالتفاصيل.



لا حول ولا قوة الا بالله ..يفعلون الحرام والغطأ ول...

2009-04-01T20:06:00.000+02:00

لا حول ولا قوة الا بالله ..

يفعلون الحرام والغطأ ولا يريدون لاد ان ينطق ..

ثبتك الله حبيبتى وثبت خطاكِ..

ودمتِ بخير ..



السلام عليكمازيك اليوم؟ان شاء الله الصحة تمام...طه...

2009-04-01T18:50:00.000+02:00

السلام عليكم

ازيك اليوم؟
ان شاء الله الصحة تمام...
طهور ان شاء الله....

تحياتي



يا عمي ما انت بتشتغل بردة يعني عاجبك الهم يكبرك 10...

2009-03-31T22:52:00.000+02:00

يا عمي ما انت بتشتغل بردة

يعني عاجبك الهم يكبرك 10 سنين كده :)

تلاقيه بس مغسلش وشه قبل ما ينزل الشارع :)

ربنا يديلك الصحة ويخليك لاولادك يارب ويباركلك فيهم



سلام عليكمآآآآآآآآآآآآآآآآآآآمين يارب و الفس سلامه...

2009-03-31T21:26:00.000+02:00

سلام عليكم
آآآآآآآآآآآآآآآآآآآمين يارب و الفس سلامه ليكى ياغاليه ويارب ابنى الغالى يرجع بالسلامه بمناسبة بنتى وابنى قابلنى جار فى الشارع فوجئت بيه بيسألأنى انته كام و 60 يا حج صحيح ؟؟ قلتله 63 قال ياه تصور كنت مفتكرك 60 بس ؟ والله صعبت عليه نفسى مش عشان السن الى قاله لا عشان عرفت بقيمة ان الشغل بيخلى الانسان كله حيويه ونشاط وميبانش عليه سن .
ربنا يحميكم ويفرحنا بيكم ياااارب .
مدحت



السلام عليكم ورحمة الله وبركاتهانا الحمد لله رب ال...

2009-03-31T20:25:00.000+02:00

السلام عليكم ورحمة الله وبركاته

انا الحمد لله رب العالمين تقريبا مستقرة في المنزل بس بشتغل بردة :(

الحمد لله رب العالمين الالم خف عن اليومين اللي فاتوا والمسكنات عاملة شغل بردة الحمد لله :)

وسيف ان شاء الله ربنا يكرمه و يتحسن ويعفو عنه من اللي هو فيه يارب ... قولوا امين :)

بخصوص التعليق .. انا اتضايقت لاني في التدوينة دي بالذات اتكلمت كويس عن الشخص اللي كان شغال معانا و بما يرضي الله قلت اني مشفتش منه حاجة وحشة ابدا والكل كان بيمدح فيه وفي اخلاقه .. لا شتمت ولا قولت حاجة تسيء اليه !!

يعني مفيش حاجة اتقالت فيها اي كراهية .. والتدوينة اللي وراها جت كرد فعل للبرنامج اللي اتفرجت عليه بالصدفة و استفزني جدا و دا حقي كمسلم يخاف علي اهله و بلده و دينه !!

اصلها كمان اول مرة تحصلي :(

الله اعلم بما في القلوب

متشكرة علي سؤالكم جداااااااااااااااااااااااااااااااااااا

جزاكم الله خيرا و جمعنا واياكم في الفردوس الاعلي بصحبة المصطفي صلي الله عليه وسلم .. قولوا آمين



كل الاحتمالات واردة...انتي بس ما تشيليش هم..وهدي....

2009-03-31T16:37:00.000+02:00

كل الاحتمالات واردة...

انتي بس ما تشيليش هم..وهدي..مين عارف هو مين او قال كده ليه...

نشوف اذا هيرجع يعلق و يريح بالك

الله يريح بالك

تحياتي



حبيبتى ممكن يكون شايف انك بتتريقى على الديانة البه...

2009-03-31T13:06:00.000+02:00

حبيبتى ممكن يكون شايف انك بتتريقى على الديانة البهائية وحتى لو كان مسلم ومش بهائى مستنكر لهجومك على البهائيين على اعتبار انك المفروض تقولى لكم دينكم ولى دين ! فهمانى ؟
جوزك عامل ايه ؟
تحياتى ليكم



الظاهر انه بهائيفمش عاجبه طبعا المعترضين على البها...

2009-03-31T08:11:00.000+02:00

الظاهر انه بهائي
فمش عاجبه طبعا المعترضين على البهائيه
أو بالأصح المنكرين لها ولأتباعها,
فلازم يقول اي كلام
وزي ما مدحت قالك
قولي حسبنا الله ونعم الوكيل


خالص تحياتي



ياحبيبتىالف سلامة عليكِايه اللى حصلانا لسه عارفة د...

2009-03-31T00:59:00.000+02:00

ياحبيبتى
الف سلامة عليكِ
ايه اللى حصل
انا لسه عارفة دلؤتى لما قريت التحديث على الموضوع اللى فات
طمنيينى عليكِ



سلام عليكميارب تكونى احسن دلوقتى ويارب سيف يكون بخ...

2009-03-30T18:01:00.000+02:00

سلام عليكم
يارب تكونى احسن دلوقتى ويارب سيف يكون بخير .. باين عليكى اتحسدتى بجد وبعدين انا شايف والله انه اصلا خساره فيه الكلمتين اللى تعبتى نفسك وردتى بيهم عليه .. ربنا يحميكى ويكرمك متزعليش نفسك .. وقولى كلمكت اللى دايما بتقوليها ( حسبى الله ونعم الوكيل ) ربنا يطمنا عليكم .
مدحت