Subscribe: قبلاويات
http://keblawyat.blogspot.com/feeds/posts/default
Added By: Feedage Forager Feedage Grade B rated
Language: Arabic
Tags:
Rate this Feed
Rate this feedRate this feedRate this feedRate this feedRate this feed
Rate this feed 1 starRate this feed 2 starRate this feed 3 starRate this feed 4 starRate this feed 5 star

Comments (0)

Feed Details and Statistics Feed Statistics
Preview: قبلاويات

قبلاويات



نسخة مكتوبة من أحداث و أفكار و أشياء أخرى



Updated: 2018-01-15T08:37:41.466-08:00

 



تصنيف الفيفا

2015-11-20T13:47:32.757-08:00

السلام عليكمالمفترض ان قرعة تصفيات كاس العالم الخاصة بافريقيا هتبقى فى يونيو القادموهيبقى تصنيف الفرق فيها قائم على اساس ترتيب الدول الشهرى اللى بيصدر من الاتحاد الدولى ..الترتيب ده بيتحسب على اساس نتائج الفريق فى آخر 4 سنين مع الوضع فى الاعتبار قوة الفريق المنافس و هل المباراة رسمية او ودية .. يعنى اما فريق يفوز على الارجنتين فى كاس العالم بياخد نقط فى الترتيب اكتر من فريق فاز على بوروندى وديا فى نفس اليوم ،،نظام التصفيات هيبقى كالآتى :20 دولة متقسمين على 5 محموعات هيتأهل الأول مباشرة لكاس العالم .. يعنى كل مجموعه 4 فرق ،وبالتالى ال 20 دولة متقسمين لاربع تصنيفات "أول - تانى -تالت- رابع " وكل مجموعه بتضم دولة من كل تصنيفالدول ال 20 اللى وصلت المرحلة النهائية من التصفيات هى :مصر - كوت دى فوار - الكاميرون - أوغندا - بوركينا - الجزائر - الكونغو - زامبيا - ليبيا - غانا - تونس -نيجيريا - جنوب افريقيا - المغرب - الجابون - مالى - جمهورية الكونغو - غينيا - الرأس الاخضر - السنغالووفقا لترتيب الفيف الحالى .. فالدول موزعة فى التصنيف كالآتى :تصنيف أول : كوت دى فوار – الجزائر – غانا – الرأس الأخضر - السنغالتصنيف تانى: تونس - الكاميرون – الكونغو – غينيا – الكونغو الديمقراطيةتصنيف تالت: مصر - نيجيريا- مالى - أوغندا – زامبياتصنيف رابع: الجابون - جنوب افريقيا - المغرب - بوركينا – ليبياوبالتالى فان التصنيف لو فضل كده لغاية القرعه فى يونيو فمصر هتبقى مع فريق من التصنيف الاول وفريق من التصنيف التانى وفريق من التصنيف الرابعيعنى ممكن تبقى مجموعة مصر كدهكوت دى فوار - الكاميرون - مصر - المغربالمجموعه الاسهل لو فضل التصنيف كده ممكن تبقىالرأس الأخضر - الكونغو الديمقراطية - مصر - ليبياودى تبقى فرصة الرأس الأخضر للتأهل لكاس العالم :)الحل فى لعب مباريات كتير مع فرق قوية والفوز عليها من اجل تحسين ترتيب الفريق فى تصنيف الفيفا والانتقال للتصنيف التانى على الاقل .. خاصة ان مصر حاليا اول التصنيف التالت[...]



شفوى الجراحة #امتحانات

2014-04-07T08:59:54.565-07:00

السلام عليكم ..بما انى لسه فاكر ..ويما ان النور مش قاطع وبما ان الفاضى يعمل قاضى ..وبما انى معاييش واسطه عشان ابقى قاضى .. يبقى اهو اقعد اكتب  ذكريات امتحانات الشفوى،،الشفوى فى تعريفه : "هو حاجه معموله عشان تدى ناس معينه درجات وعشان تمتحن ناس تانيه وعشان ناس تالته تطلع عقدها على الناس التانيه السابق ذكرهم .."الجراحة ..الجراحه من احسن المواد اللى حليت فيها فى النظرى .. سواء فى اعمال السنه او امتحان آخر السنه .. يمكن باستثناء سؤال كان عليه ربع درجة الورقة الأولى ف آخر السنه .. وقت ما قرر احد الاساتذه انه يعلم ع الدفعه بالكامل عشان الطالبه مكانوش حاضرين محاضرته بالعدد الذى يليق به ،،الجميل ان قبل الامتحان النظرى جه الدكتور اللى هيحط الامتحان وعمل اجتماع مع الدفعه وقال فيه على نظام الامتحان وتوزيعة الدرجات .. عشان تروح الامتحان وتلاقى طبعا حاجه تانيه غير اللى اتقالت .. بس الحق يقال كان الامتحان كله ماشى زى ما الدكتور قال فى نظامه وتوزيعة درجاته عدا السؤال بتاع الدكتور التانى ده ..المهم ان اجابة هذا السؤال اللى عليه ربع درجة الامتحان كانت نص صفحه فى اى كتاب جراحة يحترم نفسه .. لكن طبعا الربع صفحه دى لم تكن كافيه للاجابة عن سؤال يحتل هذه القيمه والقامه التى يحسدها عليه باقى زملاؤه الاسئلة واحد من الزملا الدحيحه بعد الامتحان بقولوا عملت ايه يابنى ف السؤال ده ؟ قالى عادى .. قلت البتاعه دى بتعمل التهاب ف البنكرياس .. وكملت السؤال عن التهاب النبكرياس ..آه صحيح .. الشفوىالجراحه عليها 900 درجه .. منهم 432 درجه يعنى نص الماده تقريبا على 4 لجان .. اللجنة فيهم بـ 108 درجه على يومين  يعنى نص الماده تقريبا مع 4 دكاتره بس ،،اول يوم لجنتين حالات كلينيكالتانى يوم لجنة تشريح وآلات ولجنة آشعة وباثولوجىالليله اللى قبل امتحان الكلينيكال معرفتش انام نهائيا .. وفضلت مطبق لغاية اما رحت الكلية تانى يوم الصبح .. طبعا اول ما وصلت الكلية بقيت عايز انام ..اول ما دخلت القسم لقيت نايب مقابلنى بسله فيها ورق وقالى اسحب ورقه .. قلت يمكن اكسب عجله ولا خلاط ولا حاجه ..    سحبت الورقه واديتهاله .. اول ما بص فيها بصلى بصة شفقه كده وقام كاتب اسمى ف اللجنتين اللى طلع رقمهم ف الورقة ..دخلت ع اول حالة .. خير يا ست .. عندى كيس دهنى"ليبوما" ..اسهل حاله ف حالات كلينيكال الجراحه .. قلت بس .. فل اوى ..الاجمل انى وانا مسافر ف الطريق لسه قارى هذا الموضوع تحديدا ف العربيه .. المفروض بتشوف حالتين الكلينيكال وتكتب شيتاتهم وبعد كده تقعد تستنى اما الممتحن يندهلك تروحله عند الحاله كتبت الشيت وظبطه ورحت للحاله التانيه .. التى اتضح انقفا اها حالة عظام ..طبعا معلومات اى طالب سنه سادس[...]



انتخابات نقابة الأطباء

2013-12-13T14:07:55.104-08:00

السلام عليكم
الجمعه 13-12-2013

المشاركة الأولى فى انتخابات نقابة الأطباء....


رحت أنا والصديق أيمن تاج للنقابه وأدلينا بأصواتنا ... بس كده :)


ملاحظات ..

- النهارده كان برد فزيييييييع

- أيمن ده كويس 

- كان فيه رجال شرطه يؤمنون سير العملية الانتخابية ...

- الراجل اللى كان ف اللجنة بيطلع الأسامى طلع قريبى ..

- كان فيه دعايه انتخابية جوه النقابه عادى جدا ...

- لسه معرفش النتيجه بالتفصيل ..



وده أيمن وهو واقف مستنينى ...








خطوبة وأشياء أخرى ...

2013-11-10T12:39:23.403-08:00

السلام عليكم ..- ازيك يا مدونه =ازيك يا استاذ محمد .. عامل ايه ؟-واحشانى= بس بقى .. بتكسف وكده ،،الشويه اللى فاتوا كان فيهم حاجات كتير ..اسكتى .. مش انا خطبت .. الحمد لله .. ربنا رزقنى ببنت الحلال ..معلش معرفتش اعزمك بقى .. لانها كانت ع الضيق كده و كمان اللاب كان بايظ .. يعنى مكنتيش هتعرفى تحضرى :) ..ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــو فى اطار سعى الحكومه لرفع المستوى الصحى فى قرية العمدان وبتوجيهات من السيد الرئيس .. تقرر نقلى إلى الوحدة الصحية هناك لـ صرف علاج لبط ووز وأطفال القرية ..الوحدة الصحية بالعمدان .. ودى عربية عمرو :) دولاب الطوارئشنطتى :)ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــالحمد لله جاتلى النيابه فى سوهاج .. حيث بلد المواويل وكده ..ودى مجموعه من أهم معالم سوهاجفريق مدرسة "برديس" الابتدائية بسوهاجـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــاللاب باظ و قرر ان كفايه كده .. عشان تصدقينى اما قلتلك ان اللاب كان بايظ ..عايز اشترى لاب جديد .. هتوحشنى يا صديقى العزيز ..ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــالاهلى من شويه فاز ببطولة افريقيا ..عبد الظاهر رفع اشارة رابعهالعيال ف الشارع كانت عامله دوشهو تسلم الايادى[...]



ما جنته يداك

2013-07-05T05:48:01.068-07:00

هذا ما جنته يداك حين ترى مؤامرات تحاك من هنا وهناك ..حين ترى اعلاما موجها ..حين ترى بلدا يسير من سئ لأسوأ ..حين ترى الفشل فى حل أبسط مشاكل الحياة اليومية ..حين ترى دولة لا تستطيع حماية أمنها القومى ..حين ترى أفاضل الناس يدفعون من عيونهم و أرواحهم  ثمنا ..حين ترى قيادة متغطرسة متكبرة وجاهلة ..تعلم لم سقط أول رئيس مدنى منتخب .. تعلم لم سقط الإخوان كنت من البداية غير مؤيد لمظاهرات 30 يونيو التى تأتى بالنظام الذى لم يسقط لصدارة المشهد مرة أخرى .. ورافضا لكل دعاوى خروج مرسى من السلطة بأى شكل .. هى معركة خرجنا فيها جميعا خاسرين .. لا يخفى على أحد كم المؤامرات التى حيكت ضد نظام الاخوان وكم المبالغ التى ضخت وكم الاعلام الذى تم توجيهه لتأليب الناس .. إلا أن النظام نفسه لم يكن بحاجة لكل هذا ليسقط .. فنظام الإخوان لم يأل جهدا فى استعداء الجميع ضده ،،فنظام الاخوان استغنى بالعدد والقدرة على الحشد وتجميع الاصوات ،،فنظام الاخوان اتسم بالعناد والغرور والغطرسة والصلف والغباء ،وفى مشهد كالآتى .. نظام لم يسقط بعد ثورة يناير يحارب بكل قوة ليعود مع نظام اخوانى فاشل و معادى لما هو سواه ،،و معارضة ونخبة تبحث عن السلطة فقط وتتخذ البلد كوسيلة لا غاية .. كانت نهاية المشهد الحالية متوقعه لم يتعلم الاخوان من دروس الماضى شيئا .. و استمر منهجهم النفعى فى التقرب لمراكز القوى وتجاهل الشارع ومطالبه مع اطمئنناهم لعددهم وحشدهم و قدرتهم على تجميع الاصوات .. الاخوان هم من ساند الداخلية ووقف امام تطهيرها .. و"الكتاتنى" هو من اكد ان وزير الداخلية قاله مفيش خرطوش ،، الداخلية التى اعادتهم الآن للسجون ،،الاخوان هم الفصيل الوحيد الذى ساند المجلس العسكرى يوم طالب الجميع برحيله .. المجلس العسكرى الذى انقلب عليهم  الآن بكامل تشكيله عدا طنطاوى وعنان ،،الاخوان هم من أمنوا خروجا آمنا وتعاملوا مع فلول النظام ورجال أعماله .. فكان عنان مستشار الرئيس للشئون العسكرية ، وبجاتو وزيرا لشئون المجالس النيابية و قيادات الوطنى معينين بمجلس الشورى .. وهؤلاء أول من باع الاخوان ،،الاخوان هم من استعانوا بأهل الثقة دون أهل الكفاءة .. راجع عدد المناصب التى تولتها قيادات اخوانية بحق وبدون حق ،،  الاخوان هم من استخفوا بالمشاكل اليومية التى خسروا فيها كثيرا على الأرض .. وخرج رئيس الجمهورية وسط تهليل  الأهل والعشيرة ليعلن أن الواد بتاع الكهربا بيرفع السكينه ويروح ،،و رغم كل ذلك .. فان كون مرسى رئيسا منتخبا شرعيا هو حقيقة وواقع .. إلا أن العناد و عدم ادارك حقيقة الموقف و انعدام الرؤية السليمة .. وصل بنا جميعا لهذه النهاية ..كل من أعرفهم ممن شاركنا [...]



سحر

2013-06-06T07:56:13.895-07:00

- استيقظت سحر من نومها على صوت المنبه المزعج

اخرجت مسدسها من تحت الوساده و أخرسته باصابة مباشرة لساعته السادسه .. وعادت لتنام بهدوء ودعة ..




ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

استيقظت سحر مرة أخرى على صوت رضيعها الذى يصرخ لسبب ما ..

قامت من نومتها لاعنة الأطفال الصغار والمسلسلات التركى .. اخرجت طفلها من مهده و فتحت شباك الغرفه والقته ..

وعادت لتنام وهى تحلم بنوم هادئ مريح ..

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

لم تكد سحر تنم حتى جاء زوجها ليوقظها متسائلا عن اشياء كان يراها مهمة بما يكفى لايقاظها ..

كان يتحدث عن طفل سقط ف الشارع ، وصوت اطلاق رصاص .. وما الى ذلك ..

لم يكف عن الكلام الا عندما غرست السكين فى عنقه ..

ثم ذهبت لتعد لنفسها مشروبا دافئا يساعدها على ان تنعم ببعض النوم الهادئ ،،



فوزى

2013-05-22T10:58:52.064-07:00

السلام عليكم ..


فوزى .. هدية عيد ميلادى :)







أنا بقوله يا "فوزى" .. وهو بيقولى يا "مياو" 





--------- 1 -----------

2013-05-22T02:47:32.265-07:00

-  دينا محمد = الإسم ثلاثى يا آنسه    -  دينا محمد عبد السلام = طيب اتفضلى يا آنسه الاستماره دى امليها و استنى اما نندهلك اخذت دينا مقعدها وسط مجموعه أخرى من المتقدمين لشغل عدة وظائف مختلفة فى تلك المدرسة الألمانية التى تقدمت للعمل بها كمدرسة للغة الإنجليزية ... وبدأت فى ملأ الاستمارة .. الإسم ثلاثى يا آنسة ... حسنا .. دينا محمد عبد السلام ، السن 25 سنه ، الحالة الاجتماعية عزباء  "أعزب" بلغة الاستمارة = آنسة دينا محمد عبد السلام- أيوه= تعالى اتفضلى- هو انا بملى الاستماره دى ليه ؟ منا باعته الكلام ده كله فى الـ CV على الـ EMAIL= التعليمات كده نعمل ايه .. اتفضلى عشان الانترفيو سمعت كثيرا عن البيروقراطية الألمانية وهاهى تتعرف عليها .. جلست "دينا" فى غرفة الاتنظار حوالى عشر دقائق قبل أن تطلبها السكرتيره لتقابل مسئول الموارد البشرية .. انهت المقابلة الشخصية سريعا عكس المتوقع .. لم تخرج بأى انطباع .. فالرجل كان محايدا تماما .. فقط قام بالتعليق على تقديرها فى الكلية فـليسانس آداب تقدير "جيد" ليس أفضل ما يمكن تحقيقه إلا أن الإنجليزية بالنسبة لها لم تكن مجرد دراسة .. كانت تحب اللغة بحق .. وكانت بارعة جدا فيها .. تشاهد الأفلام الأمريكية بدون ترجمة منذ إعدادى .. تجيد الحديث باللهجة الامريكية والبريطانية .. معها شهادات فى اللغة من المراكز المعروفه وغير المعروفه .. كانت دائما ما تصحح النطق لزميلاتها حتى انها سبقت H  دبور بزمن فى أن الفرق بين الـ B  والـ P   زى الفرق بين الـ T و الـ S كانت نموذج الطالبة التى تحب الدراسه .. طالما لا توجد امتحانات .. كانت تحب مواد الترجمة  والرواية .. بينما لم تستهويها أبدا مواد الحضارة والنقد وما الى ذلك .. كان ترى ان مثل هذه المواد يجعل الكلية نظرية بطريقة لا تطاق  ما الجدوى فى معرفة الفرق بين بحر السبوندية والترويشه .. هذه أشياء لا يعرفها أهل اللغة أنفسهم .. أنت لا تذهب للبقال فى يورك وتتلو عليه بيتا من الشعر بينما كانت تحب مادة الترجمة فعلا .. وكانت تتمنى أن تصبح مترجمة .. لكن ترف الاختيار لم يكن متاحا .. مشكلتها مع مهنة التدريس انها لا تحب التعامل مع الأطفال .. فالغالبية منهم مملين ، مزعجين وكثيرى الشكوى كما انهم فى احيان كثيرة وقحين .. إلا انها كانت تحاول ان تجعل تعاملها مع تلاميذها محترفا قدر الامكان . وذلك من خلال تجربتها الوحيدة القصيرة كمدرسة فى مدرسة تجريبية .. اذا فهى مقابلة أخرى كمثيلاتها .. عرفت ما سيحدث  ستذهب للمنزل تتناول الغذاء وتنام وتنسى أمر هذه الوظيفة كغيرها .. هكذا فكرت بينما فى طريق عودته[...]



فى بلد مرعوب

2013-05-16T06:52:35.184-07:00

السلام عليكمكان فيه مقال لدكتور " أحمد خالد توفيق " بعنوان " عن أدب الرعب فى بلد مرعوب " .. بيتكلم فيه عن أدب الرعب فى مصر وانه مش شايفله مستقبل هنا ..لان اللى بيقرا أدب الرعب بيبقى عايز يعيش ف جو رعب واثارة وسسبنس ،، بينما يكفى فى مصر هنا انك تمشى ف الشارع عشان تعيش اقصى درجات الرعب والاكشن ...امبارح .. كنت رايح القاهرة .. زى اى مواطن عادىأوم ايه نوصل فوق كوبرى بنها ونقف ..خير يا ولاد ؟ قالك الناس قاطعه الطريققلنا وماله حقهم يقطعوا الطريق .. والدستور مدى الحق لكل مواطن انه يقطع ..نستنى ساعه .. اتنين .. ان الطريق يفتح .. أبداتلات ساعات .. لأ بقى.. ده كده يبقى أكيد اللى قاطع الطريق مش مواطنين بنى أدمين عاديين ..اربع ساعات ... هنا بقى بدأت تتكاثر الاقاويل عن طبيعة قاطعى الطريق المجهولين ..ماهو اصل ايه اللى يخلى " دولة " بأجهزتها ونظامها وحكومتها وقوتها وهيبتها مش عارفه تفتح طريق كل ده .. ومش اى طريق ده بدون مبالغة اهم طريق فى مصر كلها ؟؟!!!!البعض قالك ان فيه كائنات فضائية نزلت احتلت مبنى المحافظه فى بنها كبداية لاحتلال شامل لكوكب الأرض ..والبعص الآخر جاب سيرة تنانين مجنحة وديناصورات ..المهم ..بعد خامس ساعه .. الحمد لله قدرت اهرب .. وعدت الى أرص الوطن سالما " أحبيبتى يا كفر الشيخ "شوية حاجات بقى ...- ممكن اى حد تطلع ف دماغه يروح يقطع طريق - وتانى بكرر ده من وجهة نظرى أهم طريق فى مصر كلها - ،، انما انه يفضل قاطع الطريق وفق آخر معلوماتى من مراسلينا ف الطريق المقطوع ما يزيد عن 12 ساعه ده يبقى اسمه " فشل "- أما دولة تبقى مشلولة و مش عارفها تحافظ على أمنها القومى بالطريقة دى .. ده يبقى اسمه " فشل "أما البضايع تبقى مش عارفه تتنقل والعساكر مش عارفه توصل وحداتها واللى رايح شغل مش عارف يوصله .. واللى ف اسعاف مش عارف يروح المستشفى .. واللى مسافر الطياره فاتته ... يبقى ده اسمه " فشل "- أما دولة بكل امكانياتها تبقى مهترئة كده يبقى ده اسمه " فشل "دى دولة فاشلة .. بقيادة فاشلة .. بذكرياتك الزبالة يا زبالةدولة زى دى ... تقدر تحل مشاكلها الداخلية ؟دولة زى دى .. تقدر تدافع عن نفسها لو حد فكر يحاربها ؟ألا صحيح لو دخلنا حرب فعلا بكره الصبح .. الوضع هيبقى عامل ازاى ..طالما الوضع كده واحنا فى حالة "نهضة و ارادة شعب"  ، واذا حتى كان المخربين ودعاة عدم الاستقرار هم اللى ورا الكلام ده دلوقتى فاعتقد اما تيجى تحارب  ان الاعداء مش هيبقوا حريصين على دفعة عجلة الانتاج يعنى ،،،بالمناسبه .. فيه 7 عساكر جيش وشرطة مخطوفين النهارده ف سينا ،،ده بمناسبة " الدولة " يعنى ...شوية تصاوير من موقع الحدث اتوب[...]



عن الألمانى والألمان وأحمد موسى

2013-05-14T09:36:45.229-07:00

السلام عليكم ...الألمانى لا مش الألمانى ده ..الألمانى ده ...من شهر ونيف امتحنت امتحان B1 بتاع الالمانى فى معهد جوته والحمد لله نجحت ..هم صحيح ف الشهاده كاتبين انى م الغربية ..  ومبرر الست (اننا بنكتب المحافظة مش المراكز " يا عبيط ") وبما ان كفر الشيخ دى جزء من الغربية يبقى انت م الغربية ..طبعا شرحتلها معلومة ان كفر الشيخ استقلت عن مديرية الغربية بعد ثورة 52 مباشرة واصبحت محافظة مستقلة .. بس الشهادة كانت طلعت خلاص .. واللى حصل حصل :)   صورة تذكارية فى نهاية B1 الراجل اللى مصور الصوره دى مدرس المانى كان عنده مجموعه بعدينا فى الـ Raum ( الأوضه يعنى بس بالانجليزى)  وطلبنا منه يصورنا صوره تذكارية بس كانت المشكلة اول ما بدأ يتكلم لانه كان بيتكلم المانى :) ... طبعا بعد كثير من الـ wie bitte ? و الشفاه المفتوحه قالى ما مفاده " انت مين اللى بيديك المانى يلا ؟ "الألمانى بيبقى كويس طول مانت بتتكلم مع المصريين .. بيبقى المانى مصرى كده ... بس اما تتكلم مع حد المانى المانى يعنى بيقلب يبقى لغة تانيه " المانى ده يا مرسى "الألمانى لغة مش بنت ناس ... دى معلومه لازم تعرفها ..الألمانى لغة دماغها تعبانه .. دى معلومه أخرىالألمانى بعد فتره هتتعود عليه .. دى آخر معلومه بهذا الشأنالألمان شعب أنزوح .. دى ملاحظتى الشخصية عنه .. ببس اللى اقدر اقوله انهم عندهم ما يتأنزحوا بشأنه يعنى .. النهارده 14 مايو .. عيد ميلاد أحمد موسى .. وده طبعا تزامنا مع الاحتفال بقيام دولة اسرائيل ..زميل الكلية والشارع والألمانى برضه " دى بقى فعلا آخر معلومه بجد "كل سنه وانت طيب يا موسى واشوفك كده بشمهندس كبير قد الدنيا ،،حاجه أخيره أحب اضيفها ..الميل فاى ده من الحاجات الجميلة اللى ف الحياة ..البتاعه دى هدية ليك يا موسى على فكره :)[...]



"جون" يذهب الى السوبر ماركت

2013-01-21T12:35:11.697-08:00

رسم الصديق محمد سامى :)كان المزارع "جون" فى السوبر ماركت يشترى ما طلبت منه زوجته شراءه قبل عودته من العمل بالحقل ..وعندما انتهى من شراء كل ما فى القائمة وأضاف عليه العدد الجديد من مجلة " سوبر ميكى " التى يقرأها سرا ذهب ليدفع الحساب ،،وقف صاحب السوبر ماركت يحسب ثمن مشتروات "جون" الذى وقف ينتظر متمللا الى أن سمع صوتا غريبا بجواره ليلتفت ليجد أن الشخصين اللذان كان يقفان بجواره قد تحولا لدجاجتين ،،،نظر "جون" لصاحب المحل فوجده قد انتهى من حساب ثمن المشتروات ، هذا بالطبع بالإضافة الى أنه قد تحول لدجاجة هو الآخر ...تملك الرعب من "جون" وحاول أن يقول شيئا ما لكنه لم يستطع .. أما صاحب المحل فقد طالبه بثمن المشتريات قائلا : " كاك كاك كاك "استدار جون وخرج من المحل مسرعا .. حتى أنه نسى عدد "سوبر ميكى" .. وأخذ يجرى عبر طرقات القرية ليجد أن كل من فى القرية قد تحول الى دجاج ،،،لم يدر "جون" ماذا يفعل فتوجه لبيته مسرعا ليجد أن زوجته هى الأخرى قد تحولت الى دجاجة .. فكر أن هذا يجعل الوضع ليس بهذا السوء فتحولها لدجاجة يجعلها فى جميع الأحوال أقل ازعاجا ... أما زوجته فقد انكمشت على أحد الكراسى فى رعب وهى تشاهد برنامجا للـ "شيف أسامه" على التلفزيون ،،خرج "جون" من بيته لا يلوى على شئ .. لا يعرف ماذا عليه أن يفعل ، وأخذ يتجول فى املدينة حتى رأى أحدهم يجلس يطالع الجريده فى فناء منزله الخلفى ،،هتف "جون" .. "أحدهم لم يتحول مثلى " .. وانطلق "جون" يجرى فرحا باتجاه الرجل الذى لم يكد يلمح "جون" حتى هب من مكانه فزعا وصاح "أنت لم تتحول .. اذن أنت المسئول عن كل هذا أيها الوغد "قالها و أخرج بندقيته بسرعه من تحت مقعده وأطلق النار ليصيب منتصف جبهة "جون" ...ابتسم الرجل .. وأثنى على دقى تصويبه .. وأخرج من جيبه دفتر التصويبات وأضف علامة (صح) جديده تحت خانة "منتصف الجبهة" ،، ثم نادى:" كله تمام ياريس .. كان فاضل واحد متحولش بس أنا قتلته خلاص .. كده القرية بقت تحت سيطرتنا "هنا خرج (ديك كبير) من داخل المنزل مبتسما وضربا كفا بجناح .. وشربا أقداح الجعة احتفالا بالزعامة .....[...]



جون يشاهد المباراة مرة أخرى

2013-01-15T10:14:36.560-08:00

دى برضه كانت ع البلوج زمان

http://keblawyat.blogspot.com/2010/09/blog-post_11.html

والصديق محمد سامى برضه عملها رسمه :)




كان المزارع "جون " يعمل فى حقله غير آبه بالأمطار التى تتساقط بغزارة جعلت حتى مجرد السير عسيرا ..

الا أن ما كان يغضبه فعلا هو سلط زوجته التى أصرت على مشاهدة المسلسل الذى يراه سخيفا و لم تسمح له بمشاهدة مباراة تشيلسى وويست هام يونايتد ..

ثم قرر فجأة أن : كفى أنا الرجل فى هذا البيت ..



فعاد مسرعا لبيته ودخل ليجد زوجته تتابع المسلسل بشغف وهى تأكل الفيشار حتى أنها لم تنتبه لدخوله أما هو فقد أخرج بندقية والده الآليه ،و أفرغ كل طلقاته فى رأس زوجته ، ثم أدار المحطه على المباراه وجلس يشاهدها باستمتاع وهو يأكل الفيشار الملوث بدم الزوجة



جون يغرق مرة أخرى

2013-01-14T14:35:25.922-08:00

دى كانت ع البلوج زمانhttp://keblawyat.blogspot.com/2010/09/blog-post_15.htmlوالصديق محمد سامى عملها رسمه :)كان المزارع " جون " يصارع الأمواج التى وجد نفسه فجأه فى وسطها.. وهو لا يتذكر كيف ولا متى وصل الى هناكان هذا عنما مرت به سمكة قرش وألقت السلام : " السلام عليكم يا أخ "ولكن لأن "جون " .. جون فلم يعرف كيف يرد عليها لذا تردد قليلا ثم رد :" أبو شارك .. اتفضل "تعجبت سمكة القرش من هذا الرجل الذى يفتقد لأبسط قواعد اللياقه ، وتركته وانصرفتأخذ التيار يقذف جون يمينا ويسارا .. حتى لمح من بعيد جزيرة صغيرةبذل " جون " ما تبقى فى بطاريته من طاقه ليصل اليهاليجد أنها جزيرة صغيرة جدا .. تتوسطها شجرة عالية وحيدة .. لمح عليها فاكهة غريبة لم يرها من قبلكان وقتها قد تجمع عليه التعب والحر والجوع .. فذهب يستند الى الشجرة و يستظل بظلها ..الا انه ما كاد يقترب منها حتى أخذت قدمه تغوص فى الرمال .. ولم يستطع أن يمنع نفسه من الغرق فى الرمال ..بينما كان القرد يتابع المشهد بأكمله من فوق الشجرة باستمتاع وهو يمسك بيده لافته كتب عليها " احترس رمال متحركه " ..وفى النهاية ابتسم وقضم قضمة من الفاكهة الغريبة [...]



الـ ..... ور فى الكلام عن الدستور

2013-03-24T05:52:02.169-07:00

السلام عليكمعشان العنوان يبقى مثير كده كان لازم يبقى حاجه فيها سجعفكرت ف الشنيور او المستور او الحنطور .. بس لقيت ان العنوان الحالى يفى بالغرض :)اما تيجى تتكلم مع العقلاء من الجانبين بتوع "نعم" او "لا" ..المقصود بالعاقلين اللى مش بيتهم كل من يقول "لا" بانه ليبرالى علمانى كاره لتطبيق الشريعة وقافز على الديموقراطية و شايل فى جيبه توبس و IUDs .ولا اللى بيتهم "نعم" بأنه خروف للمرشد .. ومن دعاة الاستقرار وخلاصاى دستور ثلثى مواده على الأقل هى مواد لا اعتراض عليها وهى مواد انشائية تضمن الحقوق والحريات العامة وطبيعة الدولة ولغتها ودينها ..الخلاف يكون على عدد قليل من المواد .. وعلى أساسها  يقيم هذا الدستوركثير من اللى بيقول نعم شايف ان فيه مواد فعلا مش كويسه انما الغالبية من المواد مقبوله وجيده و ان المواد اللى مش عاجباه متخليهوش يرفض الدستوروفيه اللى شايف ان فيه مواد مش كويسه بس "نعم" دلوقتى  معناها استقرار ومجلس شعب و "يا سيدى المواد الوحشه نبقى نغيرها براحتنا بعد كده "وفيه اللى شايف ان "ده دستور مفيهوش غلطه"من اللى بيقول "لا" اللى رأيه انى مش بعمل دستور عشان أعدل فيه بعد كده ..وفيه اللى شايف ان كان فيه سلوقه فى عمل الدستور وان لم يكن فى عمله ففى التصويت عليه وما حدث فى التصويت على المادة 139 دليل" 16  وكدة هضطر اؤجل المادة 48 ساعة.. أنا هعيد التصويت تاني لو سمحتم.. اللي لسه معترض على المادة بعد اللي انا قولته دلوقتي يرفع ايده.. 1 .. 2 .. 3 .. 4. 4 فقط مش 16.. موافقة!!" التصويت ع المادة 139بالنسبه ليا .. شايف فى مواد الدستور الآتى1- مواد مرفوضه تماما " وجودها غير مقبول "- المادة 198 الفرع الرابع من الفصل الخامس من الباب الثالث"ولا يجوز محاكمة مدنى أمام القضاء العسكرى إلا فى الجرائم التى تضر بالقوات المسلحة؛ ويحدد القانون تلك الجرائم، ويبين اختصاصات القضاء العسكرى الأخرى."من غير المقبول تمام محاكمة مدنى امام القضاء العسكرى تحت اى ظرف ، و حتى فى حال حدوث جريمة تضر بالقوات المسلحة يجب محاكمة المدنى امام قاضيه الطبيعى ،،وهناك حوادث لمدونين تعرضوا للحديث عن القوات المسلحة على مدوناتهم ، واعتبر ما كتبوه مضرا بالقوات المسلحة وحوكموا أمام القضاء العسكرى- المادة 139  الفرع الأول من الفصل الثانى من الباب الثالث"يختار رئيس الجمهورية رئيسا لمجلس الوزراء، ويكلفه بتشكيل الحكومة وعرض برنامجها على مجلس النواب خلال ثلاثين يوما على الأكثر؛ فإذا لم تحصل على الثقة يكلف رئي[...]



مبروك .. شفيق خسر

2012-06-24T17:06:20.961-07:00

السلام عليكممرسى ابن المعلم الزناتى فاز يا رجاله :)انا سعيد .. على الرغم من انى مقلق م الاخوان بعد كل اللى شفته منهم سواء بسبب تاريخهم او بسبب اللى شفنها منهم الفترة اللى فاتت من بداية الثورة او حتى فى  النقابة عندنا ....بس انا فرحان لان شفيق خسر ...انا فرحان لاننا  هزمنا شفيق .. يعنى كسبنا جولة مهمة ضد النظام اللى لم يسقط انا فرحان لان كل اللى ماتلها ابن ممكن دلوقتى تقدر تفرح شويه انا فرحان لان مش كل اللى الثورة طلعت بيه هو تغيير اسم محطة مباركانا فرحان لان دى اول مره ادى صوتى لحد ف الانتخابات وينجح :) وزى ما قال عمر طاهر "الفرحة بخسارة شفيق أفسدها فوز مرسى "بالنسبه للاخوان ... احب اقولهم أعزائى الاخوان ...اوعى يغرك جسمكحاولوا تاخدوا الجانب الصح مره ف حياتكوادى فرصة العمر بالنسبه لكواالكل دلوقتى عنده استعداد يساعدكوا ويقف وراكمياريت حد يقول لمكتب الارشاد بلاش الغباوه والهبل وقلة الادب بتاعة كل مرهو على الاخوان أن يسعوا جاهدين لاثبات انهم تخلوا - ولو مؤقتا - عن برجماتيتهم الفجة و يجب ان يدركوا ان قوتهم فى نصرة الثورة ، وان الرئاسة ممكن تضيع فى لحظه .. زى مجلس الشعبوفى النهاية .. مبروك لمكتب الارشاد اللى مهما كان احسن من ان تحكمنا امريكا واسرائيلالمهم فى خضم هذه الأحداث متنسوش المسجونين فى سجون العسكر ،،، [...]



مشاركة "أنا" فى الانتخابات

2012-06-06T08:11:11.407-07:00

"أنا" شاب ايجابى ..ولانه ايجابى قرر المشاركة ف الانتخابات .. وهذا بالطبع لأن "صوتك أمانه"ولكن كان السؤال: "انا" هينتخب مين ؟؟و كان "أنا" المسكين محتارا .. يسمع لهذا ولذاكوفى النهاية وبكل موضوعية واضعا مصلحة الوطن فى المقام الأولقرر "أنا" من سينتخبثم ....طلع كابوسا ...ما لا يعرفه الكثيرون أن " أنا" شخص ذو حس وطنى عال .. وانه لايمكن له أبدا ان ينتخب فلول النظام ولذا عاصرا على نفسه لامونه لحوس "أنا" صوباعه فى الحبر  و انتخب الدكتور "محمد مرسى " صاحب صاحب مشروع النهضهو بعد فوز الشفيق احمد فريقو بما انه سيروق الشعب باكملهكان السؤال .. أى نوع من الترويق بالظبط سيبدأ به أولا ؟[...]



فى ذكرى النكبة

2012-05-15T14:48:23.168-07:00




طبيب بشرى بنظارة

2012-04-06T11:33:37.728-07:00

السلام عليكمامبارح 5-4 -2012 استلمت الشغلوبما انى مش بستلم الشغل كل يوم فاعتقد ان ده يوم مهم فى حياة مصر والمصريين ..بقيت مستوظف حكومى ...يعنى امضا وختم و كلمات متقاطعة و فول وطعمية و بطيخه اول امبارح عملت الكشف الطبى فى التأمين اللى الحمد لله أثبت انى " لائق كطبيب بشرى بنظاره " .. احد الزملاء قعد يضحك اوى على طبيب بشرى بنضاره دى   مش  عارف ليه ..وهنا حيث أعمل ...   مركز صحة الأسرة بالرياض [...]



حاجات كتير

2012-03-25T17:18:43.497-07:00

السلام عليكمازيك يا مدونتى الحلوه ...فيه حاجات كتيره حصلت الفتره اللى فاتت دى ...مش انا اتخرجت ... ايوه مخلص الكليه من 2010 بس متخرج فى 2012 .. عادى يعنىبالليل كان فيه حفلة لفرقة " بساطة " ..فرقة جامده بصراحة ... بس الصوت مكانش واضح اوىكمان عديت مستوى A1 فى معهد جوته الفصل بتاعنا  unsere Klasse Raum München 205مع السلامه بقى دلوقتى .. تليفونات بقى[...]



التنين الجميل

2012-02-06T14:59:11.582-08:00

يحكى أنه كان هناك تنين جميل يحبه الجميع .. يطيع معلمته فى الفصل ، ولا يرافق أصدقاء السوء ويشرب اللبن ويفرش أسنانه قبل النوم ،،،كان لهذا التنين زوجة أب شريرة .. سيئة السمعة .. تقسو عليه وتسئ معاملته ،،، بينما أبوه المسكين المغلوب على أمره لا يملك أن يحرك ساكنا أمام صلف هذه الزوجة المتجبرة القاسية ...لم يكن خافيا على أحد ما يعانيه هذا التنين المسكين من زوجة أبيه .. إلا أنه كان تنينا صبورا حمولا ,, كان يصبر على اكفاء السجائر فى قفاه وعلى الخوازيق التى ارهقت مؤخرته المسكينة ... وكان يقول لم يحثونه على الاعتراض ورفض هذا الوضع المهين بأن زوجة أبيه وعلى الرغم من كل ما يعانيه منها ليست بهذا السوء ، فعلى الرغم من قسوتها عليه وحرمانه من الطعام و الشراب .. فضلا عن سممعتها السيئة فى المنطقة التى تجلب العار لأبيه وله .. إلا أنها أحيانا ما تحنو عليه وتقدم له الطعام دون أن تبصق فيه و كثيرا ما تترك له ما تبقى من كوب شاى ليشربه .. بالاضافة طبعا إلى أن زوجة الأب التى تعرفها خير من التى لا تعرفها ،، ولربما يأتى اليوم الذى تنصلح فيه ،،،،كانت زوجة الأب تحاول دائما تشويه صورة التنين أمام المسكين أمام الجميع ، وكانت تصفه بأنه شاب مستهتر منفلت ولطالما حاولت اقناع أباه بأنه ابن عاق وولد فاسد ... وكان الأب ضعيف الحيلة لا يملك أن يرد عليها .. فلطالما عانى الأب نفسه من سلطها .. وكثيرا ما ناب قفاه نصيبا من سجائرها .. فكان يتحسس قفاه ويصمت ...- " أوووه .. ياله من مسكين "  ( تعليق أحد المتابعين )كفى .. هكذا قرر التنين يوما ، قرر أن : "كفى " .. لن يصبر أكثر على هذه المهانة ، هو ضاحب هذا البيت .. فلم اذا يلف له بالفتات ؟؟ .. لم يصفه سئ السمعة بسوء السمعة ؟!! .. فضلا عن أن مؤرته لم تعد تحتمل خوازيق أخرى ... وهكذا ، عندما جاء ميعاد الخازوق الصباحى أعلن التنين رفضه .. بل وعلا صوته ..نظرت له زوجة أبيه فى دهشة وعدم تصديق ،، إلا أن أباه تضامن معه لأول مره .. وعلت الأصوات ،، حتى أن الجيران أخذوا يتساءلون عما يحدث ،، ثم فوجئوا بزوجة الأب تخرج من باب الشقة مسرعة تحمل بؤجتها ، الزوج من خلفها يعلنها بصوت عال : " طلقتها .. طلقتها "عمت الفرحة الشارع كله .. وتبادل الجميه التهانئ ، واستطاع التنين أن يرفع رأسه فى الشارع .. بل إن أباه الذى كان يرد على اتصالات زوجته المشبوهة بنفسه استطاع أخيرا أن يجلس على المقهى دون أن يتغامز عليه الجميع ..[...]



زيارة مفاجئة

2012-01-02T04:26:48.907-08:00

-  ما هى خلاص الثورة قامت يا عم= يا أخى ملعونه دى ثورة ع اللى عملوهاكنت عامل زيارة مفاجئة للتأمينات والمعاشات النهارده علشان أتفقد أحوال ورق معاش الوالد ..  بس طبعا كعادة الزيارات المفاجئة الورق بتاع المعاش كان عارف ميعاد الزياره وكان مستعد ومجهز نفسه ..المهم بينما انا واقف فى الطابور منتظر دورى لأنال شرف مقابلة موظف الشباك وجها لوجه .. جه  أحد " المواطنين الشرفاء " وزعق مع الموظف اللى على الشباك المجاور ، و طبعا الموظف بدأ يشتم فى الثورة اللى خلت الناس تعترض على انه سايب مكانه و " معطل مصالح الناس " على حد تعبير الراجل اللى كان بيزعقالظريف بقى .. إن كل " المواطنين الشرفاء " اللى كانوا حاضرين على اختلافهم تبادلوا سب و قذف الثورة ووصفها هى وأمها وأبوها بأوصاف " مش ظريفه " .. وإزاى إن كان زمان واحد بس اللى بيسرق بس البلد كانت ماشيه .. إنما دلوقتى البلد كلها بقت حراميه ..قبل بداية الحوار الشيق ده جه " مواطن شريف " آخر وتخطى الدور ولف للموظف من جمب الشباك ... نفس " المواطن الشريف " ده أسهب فى وصف الناس الوحشة وأن أى حد بقى بيسرق .. أى حد ممكن ف الشارع يثبتك-   أو أى حد مثلا ممكن ييجى يطنش الطابور ويعدى دوره .. شفت بقى المشكله  مش ف الثورة على فكرةدى كانت مساهمتى المتواضعة فى هذا الحوار الجميل ..بصراحة الشعب ده يستاهل سيادة الريس .. وعلى رأى فتحى* صديقى: ارجعلنا يا كبير عامة .. مما سبق نستنتج أن : مش المفروض تستغرب أوى م اللى العساكر بتوع الجيش بيعملوه ،، ما أهو أصل مثلا الواد اللى كان قدامى على طول ف الطابور أما هيخلص جامعة هيدخل جيش .. وف الغالب هيبقى ظبوط صغيور ،،، كل " مواطن شريف "  من دول مخلف " مواطنين شرفاء" عنده ف البيت ، وعلى فكره " المواطنين الشرفاء "  بيدخلوا الجيش برضه عادى ..الناس دى هى اللى بتضرب العيال اللى بتخرب و بتضيع البلد ..ده إذا كنا قاعدين وعندنا تليفزيون و نت وجرايد وخلافه .. والناس بالمنظر ده .. ما بالك بالعسكرى اللى قاعد فى ثكنته ومعندوش مصدر أخبار غير " محمد بيه " وأوامر " محمد بيه " و أحيانا " قناة الفراعين " ...وعلى فكره .. نفس الناس دى برضه اللى هتضحلى بنفسها وحب الوطن والحاجات دى أما يحاربوا اسرائيل ..ــــــــــــــــــــــــــــــــــــــــــــــــــــــــــــ* فتحى .. من الشباب النقى الطاهر [...]






3/9/1939

2011-09-03T09:59:10.558-07:00

السلام عليكم ...دى تدوينه كتبتها ع البلوج قبل كده .. بس بما ان النهارده 3/9 كتبتها تانى :)3/9/1939بداية الحرب العالمية التانية ..ده اليوم اللى أعلنت فيه فرنسا وانجلترا ومعظم دول الكومنولث الحرب على ألمانيابنهاية الحرب العالمية الأولى .. كانت ألمانيا شبه اتدمرت تماما ، وكان اقتصادها معدوم ووقعت عليها عقوبات مشدده جداعلى الرغم من كده بعد ما وصل هتلر للحكم فى ألمانيا .. قدر فى خلال 5 سنين بس انه يحول ألمانيا من دولة معدمه لقوه عظمى قدرت فعلا انها تتحدى العالم كله فى الحرب العالمية التانية وكانت قريبه جدا من انها تحقق انتصار كبير يخليها تسيطر على أوروبا كلها و كانت الخطوه اللى بعديها بالتأكيد العالم كلهالتحول الرهيب اللى حصل لألمانيا ده كان سبب رئيسى فيه هو أدولف " هتلر " ..شخصية كاريزمية .. خطيب مفوه .. قدر يحط نفسه فى صورة الزعيم .. قدر يخلى شعبه يحبه ويصدقهكان متأثر جدا بأفكار دارون عن الانتخاب الطبيعى و عدم تساوى الأجناس .. وكان شايف إن الجنس الآرى هو أسمى الأجناس وانه هو اللى لازم يسود العالمفيه لهتلر مقولة ذكرها فى كتاب " كفاحى " بيتكلم عن الزنوج( ” لا يمكنك أن تأتي بقرد من علي الشجرة ثم تلبسه البذلة و ربطة العنق و تجعله محامياً أو طبيباً بينما المئات من أبناء الجنس الأسمي يعانون البطالة”.)أما تولى هتلر الحكم فى ألمانيا يقال إن مرتب الألمانى وقتها مكنش يسمح بشراء 4 حبات بطاطس ، ورغم كده زى ما قلنا فى 5 سنين بس اتبنت ألمانيا تانيه ... ألمانيا جديدة .. ألمانيا قويةمع زيادة قوة ألمانيا بدأت دول أوروبا خاصة بريطانيا وفرنسا يقلقوا م الموضوع ده .. و أما دخل هتلر النمسا فى سبتمبر 1938 بحجة إنها امتداد لألمانيا وإن هو بيرجعها للموطن الأم تغاضت الدول دى عن الاحتلال ده على أساس ميدخلوش فى مشاكل مع ألمانيا .. خاصة إن النمسا بلد صغير ومش مؤثر أوىلكن فى مارس 1939 كمل هتلر احتلال تشيكوسلوفاكيا اللى كان جزء منها تحت سيطرة ألمانيا أصلا بحكم اتفاقية اتعملت سنة 1938 .. ده خلى الدول الأوروبية تقلق أكتر خاصة بعد ما حسوا انه بيتجه لدخول بولنداراحت بريطانيا وفرنسا عاملين اتفاقية دفاع مشترك مع بولندا وفى نفس الوقت وقع هتلر ميثاق عدم اعتداء مع الاتحاد السوفيتى وده طبعا عشان يأمن جانبه و يفضى لمواجهة الدول اللى فى الغربوفى 1/9 1939 دخلت ألما[...]



فى ذكرى النكبة

2011-06-09T03:13:01.678-07:00

السلام عليكم ،،

متأخره شويه .. يعنى كان المفروض تبقى فى ذكرى النكبة فعلا .. 








مظاهرة ف المستشفى

2011-06-09T01:04:46.086-07:00

السلام عليكم ..امبارح كان فيه عندنا مظاهرة فى المستشفى ،،داخل انا كده المستشفى الصبح عادى جدا .. الاقى مظاهره .. مستغلين انى مش موجود طبعافيه ايه يا ولاد ؟قالك العمال الموسميين عايزين يتثبتوا ..طبعا هم دلوقتى مبياخدوش مرتبات بنى آدمين ولا اما يتثبتوا هياخدوا مرتبات بنى آدمين برضه ،،بس الفرق ان هيبقى فيه ميزة انك تاخد مرتب غير آدمى بصفه ثابته اكتشفت بقى انى باخد اكتر منهم دلوقتى بـ 40 جنيه ....الطريف ان الناس اللى اكتشفت فجأه ان فيه كلمات جديده فى الحياه زى " لأ " و " حقنا " و " مش عازين صبحى " معرفش مين صبحى بس هم كانوا بيقولوا كده ،،نفس الناس دى هى اللى كانت بتشتم فى الثورة و ف العيال الوحشين  بتوع التحرير اللى بوظوا البلد ،،[...]