Subscribe: ويلا
http://wella1.blogspot.com/feeds/posts/default
Added By: Feedage Forager Feedage Grade B rated
Language: Arabic
Tags:
Rate this Feed
Rate this feedRate this feedRate this feedRate this feedRate this feed
Rate this feed 1 starRate this feed 2 starRate this feed 3 starRate this feed 4 starRate this feed 5 star

Comments (0)

Feed Details and Statistics Feed Statistics
Preview: ويلا

أحاسيس بطعم التوت



احاسيس بطعم التوت...طعم التوت الذى لم اتذوقة حتى الان واعرف اننى لو تذوقتة فسوف اعجز عن وصف مشاعرى واكتفى بااغماض جفونى لان اجمل الاحاسيس الت



Updated: 2018-02-09T08:07:24.445-08:00

 



عندى امل

2014-08-11T13:46:39.144-07:00







لتانى مرة اتفرج على فليمJulie & Julia   اااااااااااااااااااخ بجد قلبى الصغير لايحتمل كمية الجمال دة  
بحب اوى اوى نوعية الافلام دى اللى بتبقى فيها حاجات كدة تدخل روحك من غير استئذان

غير ان الفليم جوعنى وخلانى عوزى اكل الحاجات الغريبة اللى هما عاملين يعملوها  خلانى برضة عايزة احب الطبخ  او على راى بابا   اطبخى بحب :)

عايزة اتعلم طبخ الحلويات وابقى  بارعة زى مابيقولوا   الكيكات اللى بالشكولاه والصوصات والحاجات اللى بتودى الواحد فى داهية دى

فى رحلة البحث عن نفسها  لقيت الاكل     لما سئلها جوزها  تحبى تعملى اية ؟؟
قالتلة  بحب اكل   
انا باه برضة بحب اكل  وبارعة فى تذوق الاكلات الغريبة والاكل اللى بيبقى مليان صوصات والحاجات اللى بتدوخ دى 

بقالى كتير اوى بدور على الحاجة االلى بحبها ومش عارفة ...مش عارفة دة غباء منى  ولا غباء من المجتمع اللى عايشة فية 
 اتعلمت تعليم غبى ودخلت كلية مش بحبها ونجحت فيها زى اللى بينجحوا واتخرجت  ومش لقيت شغل  دورت والله  بس مش لقيت  فى ام ميتين البد الحلوة اللى احنا عايشين فيها 
حبيبت  وعشقت واتجوزت اللى بحبة وعايشة مبسوطة معاه  الحمد الله  انا وهوة قد بعض ولسة بنكون نفسنا مليون الف حاجة نقصانا   بس مبسوطين انو احنا مع بعض وادينا عايشين بنعافر    .....بعد ماتجوزت  دورت على حاجة اعملها  برضة مالقتش   
عجبتنى الحياه النستقلة فى الجواز ان يكون لية بيت مملكتى لوحدى  اعمل فية اللى انا عوزاه ..مستمتعتة بحياتى بسمع اغانى غريبة وموسيقى مش بتعحب ناس كتتير  اتفرج على نوعية افلام تعجبنى برضة لوحدى  اقرها كتب على الابجورة من غير ما ماما تزعقلى وتقولى نظرك هيضعف :) اقرى حاجات لناس مش مشهورين بس بتعجبنى  بس برضة مش لقية حاجة اعملها   ...حاجة مفيدة  حاجة اغير بيها الواقع  يابى :)
عدت الشهور وحملت  وباه عندى كرش كبير فية نونة  عمال يلعب جوة بطنى  حسيت بالمسؤلية قبل ماتيجى وخفت  خفت اووووووى...ربنا يعديها على خير

انا حاسة انى عشت حياه بائسة من غير اى معنى  اجوزت وهخلف واهعد اربى العيال من غير ماهلاقى حاجة بحبها اعملها    بجد  عاوزة الاقى حاجة بحبها 

انا عايزة اقص شعرى  :) :)
 عندى امل  ...ان شاء الل هيجى وقت وهلاقى الحاجة دى    





ياعاقد الحاجبيبن

2013-09-14T21:57:58.291-07:00


فى اغانى وافلام كنا بنشوفها واحنا صغيرين ومكناش بنفهما اصلا بس بتعلق فى ذاكرتنا وبتعلم معانا  ...احنا مش بنكون ناضجين ولا بوعينا الكامل عشان نفهم اصلا   بس فى حاجات منها بتبقى فى الروح والذاكرة
بالنسبة ليا اغانى فيروز الاندلسية ماكنتش بفهم منها حاجة بس كانت بتشدنى ... منها ياعاقد الحاجبين  دى اكتر اغنية كانت معلمة معايا
معرفش لية :) ....كنت بتخيل عليها فليم اصلا  كنت بتخيل ان فيروز بتغنى للمثل جمال سليمان  السورى  الراجل دة كنت بحبة اوى وانا صغيرة كان معلم معايا اوى كنت بحبة من مسلسل  اسمة الفصول الاربعة ...المهم ماعلينا كنت بتخيل ان فيروز بتغنيلوا الاغنية   كنت بعمل فيدو كليب  فى دماغى 
والله انا يجى منى شوية انا مخرجة :) 
بس لما كبرت وبقيت افهم نوعا ما يعنى احم احم  ...حبيبت اوى الاغنية دى  كلماتها فى منتهى الجمال الله الله الله  بجد مااقدرش اقول غير الله غير على حاجة بالروعة دى

دى القصيدة كاملة   كتبها بشارة الخوري الملقب بالأخطل الصغير


يــا عاقــد الحاجبيـن    على الجبيـن اللجيـن
إن كنت تقصد قتلي     قتـلتـنــي مـرتـيــــن
مـاذا يريبـك مـنـــي     ومــا هممـت بشيـن
أصُفرةٌ في جبيـنـي     أم رعشة في اليدين
تَمــر قــفــز غـــزالٍ     بيـن الرصيـف وبينـي
وما نصبت شـباكـي    ولا أذنـت لعــيـنــــي
تـبـدو كـأن لا ترانـي    ومـلء عـيـنك عـيني
ومثـل فعلك فـعلــي    ويلـي مـن الأحمقين
مولاي لم تبق منـي    حيـاً سـوى رمـقـيـن
صبـرت حتـى برانـي    وجدي وقرب حيـنـي
ستحرم الشعر مني    وليس هذا بهـــيـــن
أخـاف تدعو القوافي    عليك في المشرقين






الفتاة التى تحب الكتابة

2013-09-12T13:27:11.359-07:00

هذا هو قدرك ان تقع فى حب فتاة تحب الكتابة ..قدرك ان تستحمل مزاجها المتقلب كموج بحر ..ان تنظرها كل صباح ان تغذى روحها بتوليفة تستطيع هى فقط ان تقدمها لنفسها  توليفة من اغانى غريببة بالنسبة اليك  فهى لها ذوق خاص مختلف كثيرا عن الذوق العام ومختلف عنك  لاتتستغربه قدم لهذة الفتاة كتبا فى عيد ميلادها وفى عيد الحب !! نعم لاتستغرب فالكتب عندها اغلى من المجوهرات حتى لو لم تكن تمللك ثمن هذة الكتب قدم لها فواصل للكتب لاتستغرب اذا وجدتها مستيقظة عند الفجر وتضع الهاند فرى على اذنيها وتكتب بشراسة  او قد تجدها تمسك القلم فقط على الاوراق لاتقاطعها هى فى عالم خاص   اذهب واصنع لها كوكبا دافئا من اللبن  وضعه جانبها  بدون ان تقاطعها  فهى دقائق وستود اليك مفعة بالحياة لاتستغربها ولكن لاتكذب عليها فلديها احساس قوى بالذى تقولة اذا كذبت ستعرف ولن تقول لك ان تكذب عليها... لن تتركك لانك تكذب عليها  بل ستكون محبطة الى ابعد الحدود  ...احترس من احساسها  فهى لديها مركز استشعار قوى  ..هى لاتطلب منك ان تكون بطلا من ابطال روايتها بل تتفهم  ان لااحد كاملا  ستتفهم اخطائك وسوف تعذرك  ...فهى لاتتوقع منك ان تكون كاملا  لأن قصصها غنية بالتحولات وشخصياتها متعددة الأوجه بسبب عيوبها الكثيرة المثيرة للاهتمام هي تفهم أن الكتاب الجيد لا يجب أن يكون مليئا بالشخصيات المثالية وأن الأشرار والأخطاء التراجيدية هي ملح الكتب ...الفتاة التي تحب الكتابة ستتفهم أنك بشر وأن أخطاءك واردة لذا لاتخاف ان تصارحهالاتستغرب انها لاتخاف النهايات الحزينة هى تعرف ان الواقع مؤلم بعض الشئ عن الخيال ..تفهم ان النهايات السعيدة نادرة الحصول وتتطلب وقتا .لذا فهى تفهم الواقع جيدا وتتفهم الطبيعة البشرية وتعرف اننا بشر ولسنا ملائكة ولسنا حتى نص ملائكة بجناحاتها اذا وجدت فتاة تحب الكتابة فحاول إبقاءها بالقرب منك لان ماستكتبة عنك سيكون ابديا ..فهى ستسخدم الكلمات لتغريك ..لتسلب لك عقللك قبل قلبك ...ستجعللك تعيش وكأن فى قلبك فرقة موسيقية تعزف لك امتع الموسيقى وايضا ستستخدم الكلمات لتعذبك !! لفتاة التي تحب الكتابة ستحكي لأطفالك قصصًا بالغة الجمال والسحرلأن هذا هو أجمل ما تملكه لديها الخيال ولديها الجرأة وسيكون هذا كافيًا سوف تنقذك في محيطات حلمها ستكون فارستك، وستكون عالمك في انحناءة ابتسامتها في اللون البندقي لعينيها في الكلمات التي تنهمر منها كالسيل كالموجة ساحرة إلى درجة تجعلك تخسر أنفاسك لصالحها ربما لا تكون متقنة تماما لقواعد اللغة، لكن لا بأس بذلك__________________________________مستوحاه من قراءات لااذكرها [...]



500 days

2013-09-12T03:53:25.756-07:00

كالعادة لما بتفرج على فليم وبيعجبنى  بفضل متأثرة بية فترة كدةا هو هعقد اسبوع فى حالة النشوة دىالفليم اللى اتفرجت علية 500  days summerالفليم بيبدء بالرواى وهوة بيتكلم وبيقول جملة "ما يلي ليس قصة حب، بل قصة عن الحب"  انا سمعت الجملة دى وقلت مية فى المية النهاية كئيبة لالالالالالالالالالالا قلبى الصغير لايحتمل  مش ناقصة كائبة وفى نفس الوقت محتاجة فليم اعيط فية لانى محتاجة انى اعيط  محتاجة انى اغذى الروح الفليم بدايتة بيفهمك ان الولد والبنت وهما صغيرين اهالييهم اتطلقوا  بس الولد فضل مؤمن بالحب اما البنت عكسة تماما فقدت الامل فى الحب فى مشهد باه فى اول الفليم ممكن يلخصللك كل اللى هيحصل  اول مرة اتقابلوا فيها الولد والبنت  ..الولد اسمة توم  بيشتغل شركة لكتبة البطاقات وهوة تقريبا اكتر واحد مبدع فى الشركة دى والشركة بتعتمد علية كتير  فالبنت اول يوم تشتغل فية وفى اول لقاء بنهم بصلتة نظرة عادية نضرة زى زيى اى حد فى المكتب  يعنى يادوب  ثوانى  يعنى تقريبا مش لقت فية حاجة تخليها تبصلة نظرة تانية  اما توم فضل معلق عينة علية لاكتر من دقيقة  الفليم بيحسسك ان الولد المفروض يبقى البنت والبنت المفروض تبقى الولد ...لان الولد حساس زيادة عنها   اما هية مشاعرها جافة  تحس انها جاية تتسلى تضيع وقت مش عوزة تحب ولا ترتبط ولا تتجوز هية قالتلة  انها مش مؤمنة بالحب ولنها مش عوزة ترتبط  وهوة قالها العكس يعنى هما كانوا صرحين مع بعض من البداية هوة قالها ان الحب مالوش اسباب منطقية هوة عبارة عن احساس هتحسة وتعرف ان دة الشخص المناسب  بس الولد حبها  وهية اعجبت بيه بس مش حبتة  والاحساس دة بيقتل لوحدة لما تدى مشاعرك كلها لحد ماحبكش اصلا ...والعلاقة بنهم تتطور بس بتبقى نص حب ونص صداقة وااااااااااااااه من العلاقات اللى بتبقى كدة  بتبقى كاانك واقف على حبل   متعلق مش عارف راسك من رجيليك توم يبقى فى قمة سعادتة مع احاسيسة بالحب..دائما البدايت جميلة ولها احساتس مختلف توم كان عاوز يعرف راسة من رجلية ...كان عاوز يسئلها احنا اللى فية دة اية  ..اسمة اية ...بس كان خايف من الاجابة عشان كدة كان عمال يئجل السؤال لان عارف انو لما يسئل السؤال دة هتبدء السعادة اللى هوة حاسسها دى ممكن تقلب بغم   ...فكان بيقول خلينى كدة من غير مااسئل ..بس من جواه عاوز يسئلها :(  فى مشهد حلو اوى  انو بعد ماقضوا ليلة ساخنة مع بعض  توم صحى من النوم وهوة رايح شغلة فى قمة سعادتة وبيرقص وبيغنى كانة مللك والدنيا كلها بمبى فى بمبى على راى سعاد حسنى :) مع انة نفس الشارع ونفس الاماكن اللى كان بيمشى[...]



لازلت كما انا

2013-09-05T20:18:54.750-07:00

الكلمتين اللى فى الصورة دى اختصروا كلام كتير عوزة اقولة  لازلت احبك ولكنى تغيرت كثيرا لازلت احبك ولكنى نضجت كثيرا لازلت احبك ولكنى فهمت كثيرا لازلت احبك واخشى اننى لازلت احيك لازلت احبك  فى اغنية كلماتها بجد لما تسمعها تحس انها طالعة من جوة جوة اوى  تحس انها معمولة عشان توجع روحكيامن هواه اعزة واذلنى بالهوى باهوى على كلماتها ..بسمعها بحس  مش عارفة بحس بااية  بس انا روحى بتحبهايامن هواه اعزه واذلني كيف السبيل الى وصالك دلنيأنت الذي حلفتني وحلفت لي وحلفت إنك لا تخون فخنتنيو حلفت إنك لا تميل مع الهوي أين اليمين وأين ماعاهدتنيوتركتني حيران صبّا هائماأرعى النجوم وأنت في نوم هنيعاهدتني ألا تميل عن الهوىوحلفت لي يا غصن ألا تنثنيهبّ النسيم ومال غصن مثلهأين الزمان وأين ما عاهدتنيجاد الزمان وأنت ما واصلتنييا باخلاَ بالوصل أنت قتلتنيواصلتني حتى ملكت حشاشتيورجعت من بعد الوصال هجرتنيلما ملكت قياد سري بالهوىوعلمت أني عاشق لك خنتنيولأقعدن على الطريق فأشتكيفأقول مظلوم وأنت ظلمتنيولأشكينك عند سلطان الهوىليعذبنك مثل ما عذبتنيولأدعين عليك في جنح الدجىفعساك تبلى مثل ما أبليتني...............................حتى الحزن له متعة وله مذاق  احلى واطعم من الفرح القهوة ليس لها مذاق بالسكر  ...وكذاك بعض اوقات الحياه مع اننا نكره الحياه بدون سكر  لكن اللحظات التى بدون سكر هى التى نكتشف فيها اننا على قيد الحياة>>>>>>>.>>>>>>>>>>>انا حاسة انى زى اللى عمل حادثة بعربية  اليوم الاول مش بيكون حاسس بحاجة بيكون مصدوم مش فاهم هوة فى اية  اية اللى حصل   تانى يوم بيحس بوجع رهيب فى روحة  وجع جة من لاشئ ...وجع يهد الروح تالت يوم يعقد يفكر ويحاول يفهم اية الى حصلة يحاول يشوف الموقف من بعيد  يااما يفهم بجد اية اللى حصلة او يحصلة غباء ويتعمى وفى كلتا الحالتين هتصعب علية نفسة ويعقد يعيط  >>>>>>>>>>>>>>>>>>>>>>>>>>>>>>>>>>>اكتشفت انى مافقدتش القدرة على البكاء والعياط والشحتفة زى ماكنت فاكرة    ...لا دة انا  طلعت بعرف اعيط اوى واكتشفت كمان انى فية حاجة غريبة فى اول الصدمة بضحك ماعرفش انا بضحك لية  لا بضحك اوى  لدرجة انى بحس انى هبلة ازاى انا بضحك دلوقتى ازاى  اية اللى يضحك فى الموقف  واقعد اضحك لحد مااعيط  >>>>>>>>>>>>>>>>>>>>>>>>>>>>>>>>كيف السبيل الى الهدوء النفسى ...كيف السبيل الى انى اخد وقتى فى الزعل  ....حتى ابسط حقوقى انى اخد وقتى الزعل مش عا[...]



عن الجواز وقرفة

2013-09-03T08:24:17.359-07:00

خراء مجتمعى 





اكبر قرف ممكن تكون فهمتة من جواز الناس  اللى حواليك  ومش بس اللى حواليك لا دة الغالبية الغظمى فى الوطن العربى بالذات 

انهم بيتجوزا وخلاص  الاول بيوهموا نسهم  بسعادة زائفة بيسموها الحب   وبينشغلوا بجهاز الجواز ومصاريفة وكل واحد يبقى عاوز يتمنظر على الناس بان جايب اشى وشويات والحاجة الغالية اللى ماتنجبش ..وطبعا العروسة تبقى بتحاول توافق على اغنى عريس ممكن يتقدملها 
وبيتجوزا وبيفشلوا فى علاقتهم الجنسية لان اغلب الستات مش بتبقى فاهمة حاجة  وياعينى بتفضل طول حياتها عمرها ماستمتعت بعلاقة زوجية حلوة  وبتخلف عيال زى الارانب     
يخلفوا عيال وينشغلوا بقرف العيال   والسعادة الزائفة اللى كانوا  حسينها اول الجواز تقريبا بتنتهى ويفضلوا عايشين مع بعض كدة والسلام عشان المجتمع والناس مش يقولوا عليهم حاجة والعيال عشان مش يبقى اهلهم مطلقين  والناس يبصلهم نظرة وحشة ...وكمان الست لو اطلقت هتعيش منين وتاكل منين خليها عايشة فى القرف اللى هية فية بدل ماتتبهدل اكتر ماهية متبهدلة.. ويفضلوا يتخانقوات  والعيال يطلعوا معقدين نفسيا وفيهم بلاوى الدنيا  
بس خلاص ايها السادة الكرام  انتهى الكلام 




لية لا

2013-06-08T14:50:47.666-07:00


مش فارقة معايا ...ماحدش لية عندنا حاجة 
انا وانتة وشنطة فيها كراكبينا






الخواء

2013-02-21T13:45:26.352-08:00


 انا اشعر بالخواء.



اهو كلام

2013-02-08T15:41:51.283-08:00

  مابحبش الغباء  بتنرفز من الناس الغبيبة******************************من حق كل واحد يكتئب ويضرب بوظ شبرين تلاتة قدامة   بس بعد كدة يقوم ويف على رجلية تانى ويصحى يشوف  هيهبب يعمل اية فى حياتة***********************************انا حاسة انى بقيت كائن مستهللك فقط لاغير ....بقيت كائن مش بيعمل ايتوها حاجة****************************************بقالى كتير ماتفرجتش على فليم هندى  ...محتاجة بجد اتفرج على فليم هندى  والله افلامهم مع انها عبيطة بس فيها كل حاجة بتيدنى دراما ورمانسية وخيال ورقص واغانى واكشن وكوميديا  كل دة فى فليم واحد  يعنى كوكتيل من مختلف المشاعر بتحسها مع بعض  فانتة بتيقى احاسيسك متلخبطة من جواك عارف انو فليم هندى  بس  مستمر برضة تتفرج علية**********************************8انا بقت دمعتى قريبة اوى  وبعيط على ايوتها حاجة  ..مشهد فى مسلسل عبيط  او فليم متخلف  شفتة قبل كدة****************************انا بقيت برضة   نفسى عوزة انفس عن غضبى وابين بجد انى متنرفزة واشتم وابهدل اللى قدامى  مش عوزة تانى اكبر دماغى واعدىمهو فى طريقين انى ابين وجهة نظرى انى اتنرفز واشخط عشان افهم اللى قدامى  انى مدايقة منة او انى اكبر دماغى زى ماانا بعمل كتييييييييييييير وارد زى مااميرات ديزنى بيتكلموا والعيبة مش بتطلع من بقى ..بس جوة دماغى  بعقد اقول اللى انا عوزاه *************************************انا اكتشفت انى بتكلم مع نفسى كتير  بعقد اتكلم معاها كتير ...والله نفسى دى حد طيب ولذيذ  :)  هوة دة جنان  ولا عادى :))|********************************بكره العتاب  وبدايق من اللى بيعقدوا يعاتبوا على الحاجات التفهة ببقى نفسى اولع فيهم *********************************مابحبش ارتب الهدوم واطبقها  وارتب الدولاب اصلى كل مرة برتبة  بيتنعكش تانى...المفروض يخترعوا دولاب يرتب الهدوم لوحدها *******************************عوزة يبقى معايا فلوس كتير  واشترى حاجات تافهة كتييييييييييييييييير*****************************************فى ناس بيض  ..وببقة نفسى اقولها يابيض ....................ماحدش يسئلنى تقصدى اية بمعنى كلمة بيض  لانك لو سئلتها اكيد هتبقى بيض*****************************مش بحب الناس اللى بتنانعر :) اهالا يعنى بيشوفوا نفسهم  وفاكرين نفسهم حاجة وهما اصلا ....يلا بلاش اشتم  عيب ********************************8كان نفسى ابقى اسكندرنية عشان اقول كلمة احيه  براحتى  :)  ..انا حقا اعترض  دة معناها   وطبعا بما اننا مصرين بنحب نختصر الاشياء اخدنا اول حرف من كل كلمة :))*************************انا بقيت مدمنة شكولاتة  :(  بجد بقيت بكلها  [...]



انا منك

2013-02-02T12:42:27.922-08:00

لا اعرف لماذا فى هذا الوقت تحديدا اكتب عنك لم يخطر فى بالى فى اى وقت من الاوقات ان اكتب عنك  انت الذى تحمل معانى كل شئ وعكسها لم اتخيل يوما ما ان اكتشف ان اى شئ جميل موجود فى شخصيتى هوة منك  انظر الى نفسى وابتسم عندما اكتشف اننى اصبحت شبية لك فى تصرفاتك وفى ردرو افعاللكوان ايضا عيوبى مثل عيوبك  لكنى ورثت قلبى الابيض منك  ورثت طيبة القلب منك انتلم اتخيل يوما ما ....انى ساصبح مثللكعندما وجدت فى روحى اشياءا جميلة  فؤجئت اننى تعلمتها منكفؤجئت حينما  اكتشفت انك الذى علمتنى الحب علمتنى كيف احب  واستمتع بالحب وان الحياه بدون حب ليس لها لون  او كما تقول  ماسخة كان الكل يستغرب كلامك معى حينما يعرف انك  تعلمنى كيف اسمع لفيروز  هذا الصوت الذى جائنا من كوكب اخركيف افهم معانى كلماتها   كيف اسمع لعبد الوهاب  كيف علمتنى ان اقرء شعر امل دنقلوان اعشق واحب  محمود درويش  وعنترة   وامرؤ القيس والحارث بن عبادة وكليب والزير سالم  من علمنى ان احب هؤلاءمن علمنى حب البحر  وكيف استمه لموجه   واترك روحى تغتسل بمائهكيف علمتنى ان استمتع  بالحياه بااختصار كل شئ جميل موجود فى شخصيتى هو من صنعك انت لم اتخيل ان اكتب عنك انت ولم اكتب عن امى  او عن حبيبى  لااعرف لماذا كتبت هذا الكلام انا دمعت وانا بكتب الكلام دة ...معرفش لية يمكن الايام دى دمعتى بقت قريبة اوى  زيادة عن اللزوم اليك انت  يا بابا  .....بجبك اوى  مع انك احيانا بتعصبنى وبترفزنى وبتخلينى عوزة اقرصك فى خدك اللظلوظة دة  ..واحط ايدى اللى بتبقى متلجة ديما على وشك وادايقك بيها بس بتصعب عليا ماانتة برضة ابويا :)بحبك يابابا وعارفة انك غصب عنك بتتعصب علية وبتبهدلنى وبتشتمنى زى مااى اب مصرى عربى اصيل بيربى ولادة  بس مش اى اب  بيزعل ويجى يصالح عيالة زيك ....بحس بيك وانتة مدايق لما بتزعلنى  وتيجى تصلحنى بعديها  مش كل الابهات زيك كدة ومش كل الابهات  بيعلموا بناتهم الحب ويقلولهم حبى  وحسى بالحب   بحبك يابابا   ربنا يخليك ليا  انتة وماما يارب ومايحرمنى منكوا [...]



سويت نوفمبر

2013-02-02T11:21:20.958-08:00


 
من احلى الشهور اللى بحبها  شهر فبراير   شهر 2
معرفش بحبة لية   طول عمرى بحبة   كدة من غير سبب  بحس كدة انو شهر جميل لطيف لذيذ  :)... شهر فى دفئ رغم البرد اللى فية

يمكن عشان فية عيد الحب   بحس انو كدة شهر لونة احمر  :) شهر الجو بيبقى فية سقعة  شتاء
او يمكن عشان هخلص من حمل كبيير اوى كان كابس على قلبى بقالة سنة واخيرا هيخلص بعد 20 يوم من دلوقتى :)

او يمكن عشان فليم sweet november  :)
معرفش بحبه  لية المهم بحبة كدة لله فى الله :) :) 
مع ان اول يوم فية كان يوم غبى وعيطت  فية  وكان يوم  |(حلو فى وحش)  بس  برضة متفائلة انو هيبقى شهر حلو
شهر بدء فى اول ايامة بي جو  شتوى رائع مطر وبرد ورعد  ...مطر يعنى خير يعنى دعاء مستجاب يعنى امنيات تتحقق  

فى المدونات  بيقولوا انو نكتب كل يوم فى شهر فبراير معرفش لية  :) بس بما انى مش مشهورة ولا معروفة فى العالم الكبير دة فاحاول انى اكتب فى كل يوم :) اهو اشمعنا هما وانا لا


 



View From The Top

2013-01-22T14:56:11.434-08:00

 الصورة دى من فليم View From The Top فليم  شوفتة مرتين بصراحة ولسة شيفاه امبارح وشدنى اكتر عن اول مرة اتفرجت علية فليم بسيط وخفيف وبيديك طاقة كدة عشان مش تتنازل عن حلملك مهما كان وتعقد تحاول تدور على حلمك وتحققة ومش تفقد الامل البطلة الحلوة دى كان عندها حلم انها تبقى مضيفة طيران وتسافر فى رحلات الدرجة الاولى وتستمع بحيتها وتتفرج على العالم :)المهم اول مشكلة قابلتها انها واحدة بدلت ورقة الاسئلة بتاعتها من غير ماتعرف ..ولللاسف  بقت مضيفة طيران فى الطيران المحلى وطبعا هية اديقت اوى بس مش سكتت  لما حست انى فى غلط فى الموضوع  حاولت تانى وعادلوها الامتحان ونجحت  واتحقق حلمها انها تبقى مضيفة طيران للدرجة الاولى وتسافر باريس :)بس كان فى مشكلة انها لما بقت مضيفة طيران محلى  اتعرفت على واحد وحبوا بعض واستريحت لية   .....تخيلوا انك تحب حد دى تبقى مشكلة ..ايوة طبعا بالنسبة ليها دى مشكلة لانة ممكن حبة يعقوقها وتتنازل عن حلمهابس هية قررت تتخلى عنة وتسيبة فى سبيبل تحقيق حلم حياتها  ظننا منها ان طيران الدرجة الاولى وانها لما تسافر باريس وتلف العالم ان دة هيحقللها السعادة بس طبعا لا  دة كان غباء منها ..اكتشفت غلطها  ورجعت تانى لحبيبها  وقالتلة انا كنت غبية  اهم حاجة فى الدنيا ان ترجع بيتك تلاقى حد بتحبة وبيحبك مستنيك ودة فعلا اهم حاجة فى الدنيا انك تروح بيتك تلاقى حد مستنيك  .....انك تكون عيلة حتى لو مكونة من فردينوطبعا خلص الفليم الحمد الله على نهاية سعيدة  والمؤلف مش حب يزعلنا  وخلاها تحقق حلمها وتبقى مع حبيبها فى نفس الوقت طبعا دى افلام ممش بيحصل كدة فى الواقع   صح النوم                                   **************************************************الفليم دة فى لقطتين حلوين هما اللى فى الفليم كلة اللقطة اللى تبقى عوزة تحقق حلمها وخلاص  حلمها اتحقق بس قرارها انها تسيب حبيبها  عشان لو فضلت معاه هتبقى بتتنازل عن حلم حياتها هية الخطوة دى مش عارفة اوصفها بااية مش عارفة اقول ندالة ولا انها اصلا ماحبتوش عشان كدة سابتة ولا  انها انانية منها ولا اية بس بصراحة لقتنى متضامنة معاها ايوة ..متضامنة  وقلت عندها حق  مش عارفة لية  واستغربت نفسى جدا  لما لقتنى  مش ضد اللى هية عملتة ....مع انى لو مكانها هستغنى عن حلمى وهفضل معاه :)بس انا عجبتنى شاجعتها انها تكمل حلمها  وتجرب[...]



كان قرارى

2013-01-15T15:15:10.751-08:00



انا ماكنتش عوزة حد غيرك ...ولا كان هينفع حد غيرك مهما كان

حتى فى الفترات اللى ماكنش فى امل انو تكون من نصيبى ماكنتش بشيللك من بالى  لانى ماكنتش عوزة انساك ماكنتش عوزة حد غيرك

عوزاك كدة بعيوبك قبل مميزاتك   ....لللاسف ماكنتش شايفة حد غيرك 
ماكنتش عوزة حد غيرك دة كان قرارى فى يوم من الايام وحطيتة حلق فى ودانى لحد مابقى قاعدة ماتنزلتش عنها ابدا
ماكنتش عوزة حد غيرك ....ماكنتش عوزة الا انتة



بعض من قناعاتى

2013-01-10T14:42:33.413-08:00



عندى قناعة قوية ان الكاتبة ترتبط بالاحزان ...وقتها فقط يصبح للكاتبة طعم
فاالاحزان لها بريق جذاب تعطى لللاشياء عمق  وانسانية

فى الكتابة ...فى الموسيقى ...فى كلمات الاغانى ...حتى  الالوان

عكس السعادة المزيفة التى تملكها اغلبنا  لاتعطى اى لون جذاب فى كتابة احاسيسينا سعادة مزيفة تشعرنا بزيف مشاعر  وتصبح النتيجة  كلمات  خالية من الحياة 

لذالك قليل هذة المرات التى نشعر بحياة فى كلماتنا ....









مشروع نهضة هتلر :)

2013-01-07T15:04:38.205-08:00

كنت ديما بسئل نفسى هوة لية  هتلر حرق اليهود وقتلهم قتل جماعى ...اية اللى ممكن يحصل فى الدنيا يخلى واحد يقرر انو يمحى ناس من البشرية بسس اعتقادة انهم مجموعة حشراتاية اللى ممكن يكون فى دماغة ساعتها  ؟؟بس هوة قلبة مافهوش ذرة حنية  واحدة  تحنن قلبة على الناس دى  دة هوة حرق معاهم المعوقين والمتخلفين عقليا لانه كان عاوز يحسن النسل  وبالنسبة لية دول مالهمش اى لزمة فى المجتمع فين الانسانية فى التعامل  ....فين الانسانية ؟؟ بس لما قريت اكتر فى الموضوع دة اكتشفت ان هتلر كان فى دماغة مشروع نهضة برضة :)  بس اكيد مشروع غير مشروعنا كان فى دماغة تحسين النسل  وانو يبقى عرقهم خالى من العيوب والامراض  وعمل كدة بوسائل كتير منها العنصرية  والابادة لليهود ..وطبعا انو يحرق ويقتل الموعقين والمتخلفين عقليا معاهم وانو يجوز الرجالة والستات الحلوين لبعض على اساس انهم يخلفوا عيال حلوة وبيضة ومعندهاش امراض تفكيره ممكن تعقد قدامة بالساعات مصدوم :oبس اللى فؤجت بية انى لقيت ان موضوع الايمان والانكار بالهولوكت دة فية اقاويل واختلافاتقتل ستة ملاين يهودى !!!  ستة مليون بنى ادام  اتقتلوا  .....اية اللى هيفدنى انى انكرها واقول انها ماحصلتش والهولوكست بتعريف بسيط هية محرقة اليهود ...هو مصطلح استخدم لوصف الحملات النازية الالمانية للتصفية العرقية لليهود في أوروبا أثناء الحرب العالمية الثانيةولقيت هنا  العالم الاسلامى والعربى  والعالم الاوربى مختلفين العالم الاوربى   بيعتبروا إن إنكار الهولوكوست محرقة اليهود يعنى  يعتبر جريمه في البلدان الأوروبية ، لأنه يعتبر تحريضاً على التمييز والعنف والعنصرية وكره الاجانب. يعنى زى مابيقلوا ان (( ليس انكار وقوع الهولوكوست اكثر من شكل من اشكال التحريض على الكراهية ضد اليهود، مما يجعلها جريمه جنائية.))مع ان الواحد مش بيحبهم كدة لله فى لله  ودة مذكور فى القران ان هتلاقى المسحين اقرب لقلبك  من اليهود...بس حتى لو بكرهم  مش اقتلهم  يعنىنيجى باه للعالم العربى والاسلامى : ان احنا انكرانا وقوع المحرقة اصلا  (( أن اليهود قد إخترعوا قصة المحرقة في محاولة لتعزيز مصالحها الخاصة. ويبدو أن هذا الاعتقاد قد أصبح مقبولا بصفة متزايدة بالنسبة لكثير من الناس في الدول العربية والاسلامية.))بس السبب الرئيسى اللى خلى العرب ينكروا وقوع المحرقة هوة الصراع العربى الاسرائيل[...]



حلمى فين؟؟

2013-01-03T17:16:28.115-08:00



ازاى هدور على حلمى  الجديد وسط كل الافكار الكتيرة دى  :(
فى دماغى  مليون حلم وتايه بنهم  وعوزة حد يدينى زقة  او بالاحرى  يضربنى قلمك على وشى  عشان افوق من الغيبوبة اللى انا فيها دى واعرف راسى من رجليا واعرف انا عوزة اية

انا عوزة اية ؟؟؟   



مش عوزة اندم على الوقت الضايع 

*********************************
ياما صادفت صحاب و ما صاحبتهمش

و كاسات خمور و شراب و ما شربتهمش

أندم علي الفرص اللي انا سبتهم

و الا علي الفرص اللي ما سبتهمش

عجبي !!



صندوق الامنيات

2013-01-02T13:34:17.403-08:00

سنة 2012  تعتبر سنة تحقيق الامنيات بالنسبة ليا يعنى كاان الشمعمة اللى بتطفيها كل سنة على تورتة عيد ميلادى وبغمض عينى اوووى وبقول يارب  حققلى امنياتى ....كل سنة كنت بدعى اوى وبغمض عينى اكتر لحد ماربنا استجاب وقال لامنياتى كن فكانت وتحققت فى 2012ومع انها سنة فيها رقمين زوجين يعنى حبتها من قبل ماتبدى بس ماكنتش متوقعة خالص انها تبقى حلوة كدة :) الحمد الله الحمد الله  بحمدك ياربى وبشكرللك  برغم كل التعب النفسى والذهنى والتوتر  والتوهان اللى حسيت بية بس انتة طمنتنى فى الاخر وحققتلى  اللى اتمنيتة * هقول امنياتى اللى اتحققت بللى حصلت باالترتيب:اولها ان روحت رحلة الاقصر واسوان اللى كنت بحبم بيها من صغرى ورحتها مع اعز صاحبة ليا وكان اسبوع يجنن  ...يجنن اية كان روعة خرافة  يهبل بجد من احلى الاماكن اللى زورتها طول حياتى ثانيا انى انخطبت لروح قلبى وحياتى   الحمد الله ربنا  خلاه من نصيبى  وماحرمنيش منه ياااااااااااااااااااااااااااااااه  الحمد الله  ثالثا  اتخرجت اخيرا وبقيت مهندسة واخيرا خلصت من قرف الكلية والمذكرة  دول  اهم 3 امنيات كانو فى حياتى وكنت فى كل صلاة كنت بدعى بيهم ديما وربنا ماكسفنيش وحقهم ليا بعد شوية تعب حبييتن  بس الحمد الله ماانا لازم اتعب عشان احس بحلاوتهم بس خايفة صندوق الامنيات يتقفل  والعروسة تقف ومش ترضى ترفع ايديها وترقص  والصندوق يبطل يشغل موسيقى والعروسة تفضل واقفة مكنها  مش بتتحرك ولا بتدور  خايفة فعلا اوى ....بس  هفضل متفائلة بغض النظر عن اللى حصل فى سنة 2012 من اجهاض للثورة قتل فية الامل :([...]



بسيطة !

2012-12-21T18:11:29.898-08:00

مأبسط الحياة ياحبيبتى اذا تاملنا حقيقتها !
ومااقل مايلزم الانسان من اشياء كى يكون سعيدا !
لكنة يفضل ان يضيع جريا وراء امجاد وهمية!.



مليون سجادة صلاة

2012-11-07T18:17:00.303-08:00









محتاجة مليون سجادة صلاة
محتاجة اتوضى مليون مرة ...محتاجة اسجد مليون سجدة تطهرنى ..مليون سجدة تصالحنى مع نفسى
محتاجة اتصالح مع نفسى ...محتاجة اكلمها
محتاجة اكلملك يارب  محتاجة افضض معاك انا ماليش عين اقوللك اغفرلى وسامحنى وتوب عليا
انا جوايا مية الف غلط وغلط ومليون ذنب
يارب انا جوايا فاضى روحى مابقتش صافية زى زمان  يارب  ريح روحى




لو كان فى فرصة!!

2012-10-02T19:51:51.981-07:00








 لما قصة حب حلوة بريئة تتخلق بين شخصين وهما يبقوا بيحافظوا عليها ويدعوا ربنا ان فرحتهم تكمل ويتجمعوا فى بيت واحد
بس لللاسف ديما  بيجى وقت يبقى عامل زى  مفترق طرق فى اى قصة حب  ممكن يفرق بينهم ويوجعهم
 فيحسوا احساس تانى  احساس مر مش حلو بيبقى اصعب شعور فى الدنيا لما قلبك يتوجع على فراق شخص بتحبة اوى غصبن عنك او حتى لو كان برضاك!!
كنت ديما بقول  ان الانسان اللى ممكن يضيع احساسة بالحب والسعادة مع شخص مهما كانت الظروف يبقى شخص غبى
 مش يبقى غبى بس دة يبقى اغبى انسان فى العالم
 بس احيانا الظروف والاهل والناس والمجتمع  يفرضوا علينا اننا نتخلى عن شخص بنحبة وبيحبنا  نتخلى عن حبنا  عشان خاطر تفكريهم هما  ...وبنحاول نقاوم بس بنفشل 
بس لو جتلنا فرص اننا نرجع نتمسك بالحب دة اننا نرجع احساسنا بالسعادة والحب احسانا اننا نبقى مع الانسان اللى بنحبة
لازم نتمسك بالفرص اوى ومش نحاول نضيعها من ايدنا لان هيجى وقت مش هيبقى فى اى فرص  هيجى وقت هنحس بالضياع والخسارة هيجى وقت نخسر فى احساسنا بالحب  او نخسر فية حياتنا.
لما نيجى نعمل مقارنة بين القلب والعقل  ونشوف عقلنا بيقولنا اية وقلبنا حاس بااية هنلاقى  كل واحد فيهم هيودينا طريق عكس التانى
بس سواء اخترنا العقل او القلب  لازم نتحمل عواقب اختيارنا لان لكل واحد لية عيوبة ومميزاتة  بس لو مش ارتحنا فى الطريق اللى اخترناه   يبقى حظك حلو اوى لو كان لسة فى فرصة انك تختار الطريق التانى
عشان مش تعد تفكر مع نفسك وتقول لو كان فى فرصة ....لو كنت عملت كدة ...لو  ...لو

خلى عندك امل وايمان  ....فى امل :)
لو كان فى




العودة

2012-08-09T22:58:21.039-07:00







فى دماغى حاجات كتير عوزة اكتبها زى الحاجات اللى كنت بقولها فى دماغى وبقول هبقى ادخل اكتبها ومش بكتبها 

مكنش فى وقت  فعلا انى ادخل واكتب   مع انى كنت محاتجة جدا اكتب  بس انا فضلت الهروب على راى مسلسل بريزن بريكEscape is just a begainning 

مع انو حصلى حاجات كتير اوى اوى الحمد الله  حلوة اوى وسعيدة وكنت طايرة فوق من الفرحة يعتبر كل اللى اتمنيتة فى حياتى اتحقق بس طبعا بعد ماطلع عين امى   ..يمكن كنت خايفة اكتبة  عارفين يعنى اية خايفة  خايفة تروح منى الفرحة 
ماانتوا عارفين انو الواحد لما يفرح  بييقى بعديها زعل  ربنا يبعد الحزن عنى وعنكوا   بس بخاف من الفرحة :)

الحمد الله  الحمد الله  على كل شئ حلو او وحش 
انا عوزة اكتب واكتب واكتب  عندى شعور  انى ممكن اكتب متين صفحة دلوقتى :)

كل سنة وانا طيبة  وانتوا طيبن  وكلنا طيبن  ...يارب خلينى طيبة  كدة على طول  واكتر   :)




تفاصيل التفاصيل

2012-03-07T14:40:08.917-08:00

(image) الحاجات الصغيرة والتفاصيل البسيطة هية اللى بتكون اهم تفاصيل ممكن تخلينا نفرح وننبسط من قلبنا من الناس اللى بنحبهم
عشان كدة تفاصيل التفاصيل دى اللى بتكون اهم حاجة ;)



زحمة حبنا

2012-03-07T14:16:22.806-08:00

(image)
انا مش عارفة الناس بتتدايق من زحمة العربيات والطرق لما توقف مش عارفة !!؟؟
مع انى حبيبت الزحمة اوى اوى وانا معاك فى العربية
وكل ماتفتح الاشارة اقول يوووووووووه حبكت تفتحى دلوقتى ماانتى متعودة يبقى لونك احمر على طول اشمعنى دلوقتى باه لونك اخضر




YOU'RE ADDICTED TO LOVE

2012-03-07T14:06:49.919-08:00

(image) THE LIGHTS ARE ON BUT YOU'RE NOT HOME
YOUR MIND IS NOT YOUR OWN
YOUR BODY SWEATS YOUR BODY SHAKES
ANOTHER KISS IS WHAT IT TAKES
YOU CAN'T EAT YOU CAN'T SLEEP
THERE'S NO DOUBT YOU'RE IN DEEP
YOUR THROAT IS TIGHT YOU CAN'T BREATHE
ANOTHER KISS IS ALL YOU NEED
OH YOU LIKE TO THINK THAT YOU'RE IMMUNE TO THE STUFF OH YEAH
IT'S CLOSER TO THE TRUTH
YOU KNOW YOU'RE GONNA HAVE TO FACE IT
YOU'RE ADDICTED TO LOVE
YOU MIGHT AS WELL FACE IT YOU'RE ADDICTED TO LOVE