Subscribe: سويدى
http://sewedy.blogspot.com/feeds/posts/default
Added By: Feedage Forager Feedage Grade B rated
Language: Arabic
Tags:
Rate this Feed
Rate this feedRate this feedRate this feedRate this feedRate this feed
Rate this feed 1 starRate this feed 2 starRate this feed 3 starRate this feed 4 starRate this feed 5 star

Comments (0)

Feed Details and Statistics Feed Statistics
Preview: سويدى

سويدى



إن أسلوبي في المزاح هو أن أقول الحقيقة دائما – إنها أبدع نكات الأرض



Updated: 2016-12-04T16:17:45.286+02:00

 



لا تعليق

2007-10-07T19:46:56.272+02:00

(image)
(image)

تصوير صديقى أحمد الدفراوى



يا سجونك يا نمسا

2007-09-21T16:59:21.273+02:00

وصلنى الايميل ده عن شكل السجن فى النمسا متهيألى ده احسن من شاليهات مارينا واغلى نوادى مصر

(image)
منظر خارجى للسجن




(image)

هنا مكتوب

مركز ليوبين القضائى

محكمة ليوبين الوطنية

محكمة مقاطعة ليوبين

(image)


(image)

ده غالباً مكان الزيارة


(image)

وهنا بيفكرنى بفيلم حب فى الزنزانة لما سعاد حسنى كانت بتزور عادل امام بس هنا على الطريقة النمساوية


(image) ودى صالة مغطاة انضف من صالات استاد القاهرة
(image)
ودى غرفة المسجون

يجوا يشوفوا غرف ابو زعبل






ميكروباص

2007-08-26T21:38:12.400+03:00

كالعادة فى الصيف شغلى دايما بيتطلب منى انى اسافر لكذا محافظة داخل مصر
من يومين كنت مسافر شبين الكوم فى محافظة المنوفية واخدت ميكروباص من عبود ودخلت قعدت وكله تمام التمام والميكروباص حمل والعملية ماشية حلو وتعالى يا عم الاسطى اطلع بينا ابص الاقى بنت حلوة كدة بتاع خمسة وعشرين سنة هاتركب وتسافر بينا انا قلت ربنا يستررررر دورت العربية وطلعت ولا اجدع سواق وطير بينا ياسطى عالكورنيش اصدى عالطريق الزراعى - البنت متمكنة وواثقة من نفسها وطبعا خد تعليقات من العربيات اللى حوالينا زى على مهلك شوية يا عم علينا وبالراحة شوية ما تجريش وواحد بتاع بيجو رخم عليها راحت طالعة منه بحتة احترافية كدة وبصتله بصة حقارة وطبعا كل اللى يشوفها يتنح واحلى حاجة ان الكرسيين اللى جمبها كان فيه بنات برضو يعنى القيادة كلها كانت حريمى واحنا قاعدين بنتشاهد ورا وكمان ما دفعتش كارتة والراجل شاورلها قالها خلاص وكل امناء الشرطة عالطريق عارفنها يعنى بصراحة اللى مستعجل يركب معاها عمره ما هايقف فى الطريق ولا عشان كارتة زلا عشان لجنة والحمد لله وصلنا بسلامة
هو ده حالك يا مصر بناتك سواقين ميكروباظ (ميكروباظ بال ظ)ه



الووو

2007-08-05T15:37:34.498+03:00

(image)
ومعانا تليفون تانى ونقول ألوووووووو
ورجعنالكوا تانى بعد طول غياب
انتظرونا قريبااااااااا ان شاء الله



هى المشرحة ناقصة قتلة؟

2007-02-14T21:51:33.166+02:00

فضلا عن البوست السابق فإن مصر تتمتع بميزة خاصة جداااا فأى شخص يريد التسول او الشحاتة ويكون هذا الأمر ممنوع فى بلده فيأتى الى بلده الثانى مصر اللى هى ام الدنيا حتى يستطيع التسول على راحته انا مش بسخر من حد الحمد لله على كل شىء بس حبيت اعرض نوع من انواع التسول بالنسبة لى انا اول مرة اشوفه
واترككم مع الصور
(image)
شاب من سلوفاكيا ترك بلاده وجاء لمصر
(image)
بدأ بعزف الموسيقى الايرلندية والهولندية وماحدش فاهم حاجة
(image)
الراجل انسجم اخر انسجام وبرضو ماحدش فاهم حاجة
طبعا لا تعليق
فى صور تانية بس مش راضية تترفع مش عارف ليه بس هابقى احاول ارفعها



لله يا محسنين

2007-01-10T20:16:09.156+02:00

(image)



وصلنى هذا الايميل عن طريق احدى مجموعات الياهو وهذا هو مضمونه
الأخوة والأخوات أعضاء موقع مساعدة.كوم السلام عليكم ورحمة الله وبركاته
آمال حسين، سيدة من وراق الحضر عمرها 26 سنة.تزوجت منذ شهور قليلة، إلا أنها أصيبت بحروق بنسبة 65%.ترقد الآن بمستشفى شبرا العام وتعاني من آلام فظيعة.ولأنها حامل في الشهر الثالث، فإنها لا تستطيع تناول المسكنات والمضادات الحيوية.المطلوب نقلها في أسرع وقت لمستشفى السلام الدولي حيث إن الرعاية هناك افضل بكثير.لإتمام النقل مطلوب مبلغ 2000 (ألفين) جنيها، توافر منهم بفضل الله 500 جنيها ويتبقى مبلغ 1500 جنيها.ندعوكم للمساهمة في تفريج هذا الكرب عن آمال، حيث إن التأخير في نقلها ؤدي إلى تفاقم الحالة أكثر.للاستفسار والمساهمة رجاء الاتصال بعمرو إبراهيم في رقم 0101558559
وجزاكم الله خيرا
--------------
الواحد يطلع المترو يلاقى ناس بتشحت ينزل من المترو على السلالم بالتحديد يلاقى ناس بتشحت ومابين محطة المترو والشغل يلاقى ناس بتشحت يفتح جهازه ويشوف الايميل بسرعة قبل ما يبدأ شغله يلاقى ناس بتشحت انا خايف اجى اطلع سلم بيتنا الاقى ناس بتشحت طب والله بتحصل بيخبطوا على البيوت دلوقتى - بقى شىء عادى جداااااا
-------------
هى دى مصر يا عبلة



من العيد للعيد

2006-12-30T14:53:46.726+02:00

(image)
كل سنة وانتوا طيبيين
مش عارف هو انا بكتب فى الاعياد بس ولا ايه؟
على العموم ادينى رجعت اهو واسف بجد على انى مشيت من غير سبب كدة وبشكر كل اللى سألوا علية طول الفترة اللى فاتت وان شاء الله مش هاختفى تانى كدة
:)
يلا حد يشوفنا بتلاتة اربعة كيلو لحمة كدة ولا حاجة ، مش هاقبل اى تعليق من غير لحوم
:D
كل سنة وانتوا طيبين



اهلا بالعيد

2006-10-24T14:58:11.583+02:00

(image)
من مكانى هذا اللى هو جزيرة القطن اللى دايماً بقضى فيها العيد بعيداً عن الإزعاج
أحب أقول لكل اللى يعدى هنا
كل سنة وانت طيب
وطبعا ما يتكسفش ويمد ايده وياخد من الكحك وعلى فكرة ده ما بيخلصش
:D
كل سنة وانتوا طيبين



ما بين طريقة برايل والقصة الكلاسيكية

2006-09-25T06:41:55.526+02:00

كل سنة وكل البلوجرية طيبين ورمضان كررررررررريم
---------------
ركبت المترو زى كل يوم وطبعا بدأت التأمل فى اللى حوالية كالعادة لحسن انا مش بعرف اقرا حاجة فى المترو او اى
حاجة ماشية عامة بتعب وعينى بتوجعنى ما علينا بس بحاول اغصب على نفسى واقرا بس مش كتير المهم ما علينا فا بقعد اتفرج على البشر ، ركب واحد كفيف ومعاه شنطة بلاستيك وواحد تطوع وقام وقعده قعد الكفيف وطلع كتاب كبير وقعد يقرا والناس كلها مبحلقة للراجل وانا كنت اولهم لانى دى كانت اول مرة اشوف حد كفيف بيقرا بطريقة برايل ساعتها حمدت ربنا على نعمة النظر هو كان بيقرا قرآن غالبا لانه ملتحى وكان بيردد الكلام اللى بيقراه فى سره بطريقة تشبه قارىء القرآن بس اللى استغربتله انه كان بيقرا من الشمال لليمين ولما قريت عن طريقة برايل عرفت انها بتتقرى من ضهر الصفحة يعنى من الشمال لليمين هو ده اللى فهمته وسرحت معاه وهو بيقرا
جه جمبه واحد وقعد جمبه بالظبط ومعاه قصة اعتقد انها كلاسيكية اسمها
The Vectoria and The triton
وهو كمان بدأ يقرا وشوية لاقيته سرح وقعد يتفرج على الكفيف اللى بيقرا جمبه- بصراحة خطف انظارنا كلنا
بصوا الارادة بتوصل لفين ؟؟ ما حسسناش انه كفيف ولا كمان حسس نفسه وتعامل بشكل طبيعى جدا
الحمد لله على نعمه الكثيرة



Tagged again

2006-09-15T16:38:32.876+03:00

الجميلة ندى اخترعت التاج ده وبعتته وهاجاوب عليه اهو هل أنت عقلاني أكثر أم عاطفي؟والله فى بعض الاحيان بكون عقلانى وبعض الاحيان بكون عاطفى بس الاغلبية عقلانى --------------صف شخصيتك في خمس كلمات؟مرح - اجتماعى - عصبى شوية - طيب جدا وربنا - عملى---------------ذا كان لكل انسان شبيه من الحيوانات , أي الحيوانات يشبهك؟مش هاقولك :P---------------ما هو لونك المفضل؟الأزرق---------------هل لنت اجتماعي أكثر أم منعزل؟إجتماعى ---------------ماذا يشكل أصدقائك بالنسبة لك؟من يقف بجوارى وقت الشدة بعد الله سبحانه وتعالى---------------هل أنت مرتبط بعائلتك؟اه الحمد لله ---------------هل أنت عصبي أكثر أم هادىء؟ انا كتبت فوق انى عصبى شوية بس يعنى اكتر الوقت هادى جدا بس بتعصب بسرعة لو حد ضايقنى---------------هل تفضل فصل الصيف أم الشتاء؟الصيف ثم الصيف ثم الصيف والشتا فى الشغل بس لكن غير كدة الصيف احبه اكتررر---------------متى آخر مرة بكيت فيها ؟ و لماذا؟9/2001 يوم وفاة والدى _________________________ [...]



A gOoD TaG FrOm "7elm"

2006-08-22T08:08:30.120+03:00

حلم ده شرف كبير لية انى اكون من ضمن الخمسة اللى اخترتيهم للتاج ده ، ده حتى امى دعتلى قالتلى روح يا سويدى الهى حلم تبعتلك تاج:Dـــــــــــــــــــــــــــــــــــــــــــــــــــــــــــــــــ هل أنت راض عن مدونتك شكلاً وموضوعاً؟والله انا شايف انها كويسة بشهادة الاخرين يعنى مهما كان انا عايز المدونة تبقى احسن من كدة بس شهادة الاخرين انها كويسة جدا سواء شكلا او موضوعاً وبالنسبة لموضوعاً انا دايماً بحب اكتب عن المواضيع الواقعية واللى حصلتلى فعلا وبعض من ذكريات زمان لانى احب انى اكون عايش ايام زمان - فا انا راضى عن المدونة لانها فتحتلى باب للكتابة والتفاعل مع الناس.---------------ـــ هل تعلم أسرتك الصغيرة بأمر مدونتك؟اسرتى الصغيرة لا تعلم شيئاً عنها لعدم اهتمام احد منهم بالكمبيوتر فجهازى واصدقائى على النت هم عالمى الخاص ---------------ـــ هل تجد حرجاً فى أن تُخبر صديقاً عن مدونتك؟ هل تعتبرها أمرا خاصا بك؟والله مش اى حد اقوله على المدونة ساعات فعلا بتحرج اقول لناس معينين وفى ناس ممكن اوريهم المدونة من بعيد لبعيد بحيث انه ما يعرفش لينك المدونة مثل اصدقائى فى العمل - وفى ناس قريبين منى بهتم انى اوريهم المدونة اللى هما اصدقائى وانا بعتبر المدونة أمر خاص بى وبمن يهتم بالمدونات ---------------ـــ هل تسببت المدونات بتغيير إيجابى لأفكارك؟ اعطنى مثال فى حالة الإجابة نعمطبعا غيرت طريقة تفكيرى شوية بالايجاب طبعا يعنى مثلا انا الثقافة العامة واقعة عندى ، المدونات فرضت علية انى لازم اكون مثقف واعرف الكتير من المعلومات عشان اعرف اتفاعل مع الأخرين---------------ـــ هل تكتفى بفتح صفحات من يعقبون بردود فى مدونتك أم تسعى لاكتشاف المزيد؟أسعى لإكتشاف المزيد طبعاً فهو عالم له سحر خاص ويجذب اى شخص للقراءة---------------ـــ ماذا يعنى لك عداد الزوار.. هل تهتم بوضعه فى مدونتك؟والله اول ما عملت المدونة اهتميت بيه بعد كدة حزفته حسيت انه امر عادى مش شرط اعرف عدد الزوار بقدر ما اعرف عدد الى تفاعلوا مع المواضيع اللى كتبتها---------------ـــ هل حاولت تخيل شكل اصدقائك المدونين؟ اعترفبصى انا من اللى بيتقال عليهم مدمنين نت وكلمت ناس كتير على النت واتعرفت عليهم ومنهم اللى قابلتهم من مصر ومنهم اللى من برة مصر وبيجولى زيارات وبقابلهم فا بالتالى اى شخص بكلمه على النت سواء على الشات او عن طريق المدونات بحط ليه فى ذاكرتى شكل معين لحين ما اشوف صورته او اشوفه على الحقيقة وبعد كدة الشكل اللى بتخيله بيختفى من الذاكرة تماماً---------------ـــ هل [...]



السينما والأمن المركزى

2006-07-07T15:36:06.053+03:00

بقالى كام يوم بشوف ظاهرة غريبة كدة انا والله مش عارف اذا كانت غريبة ولا عادية يعنى بشوف خير اللهم اجعله خير سيل غزير من البشر ومش اى بشر كمان بشر من نوع الامن المركزى سبحان الله بيبان عليهم بشوفهم بالذات جمب اى سينما ...جديدة الحكاية دى مش كدة؟؟
عساكر امن مركزى لابسين مدنى حوالين اى سينما وستة عربيات من اللى هما لونهم اخضر دول الكبار كلنى الفضول طبعا وسألت وعرفت انهم بيفسحوهم وبيدخلوهم السينما ايه الهنا ده؟ شفت الموضوع ده مرتين فى يومين ورا بعض امبارح واول امبارح فى وسط البلد وفى الكوربة عند سينما نورماندى يا ترى ده يعتبر نوع من الحوافز للعساكر دى عشان يضربوا اكتر ولا ايه النظام؟ ولا عشان صعبانيين عليهم انهم منعزلين تماما عن الدنيا وقالوا يرفهوا عنهم شوية
لا فيهم الخير والله - وتحيا مصر يا عم



الشعب المصرى المحتاس

2006-06-23T03:18:08.803+03:00

إمبارح كنت فى عروس النيل مدينة المنصورة الجميلة وبعد ما خلصت شغل هناك وانا فى طريق العودة حجزت تذكرة فى اتوبيس شرق الدلتا وصعدت للأتوبيس ووجدت الآتى
لاقيت ان ارقام الكراسى اللى بتبقى مكتوبة فوق ممسوحة كلها او بمعنى اصح مش مكتوبة خالص من اصله فتخيلوا بقى كمية الناس المحتاسة جوة الاتوبيس وكنت انا واحد منهم بس الحمد لله واحد انقذنى وقالى الارقام مكتوبة على ضهر كل كرسى انا كنت ناسى الموضوع ده والحمد لله قعدت فى مكانى بسرعة اما بقيت الناس ماحدش عبرهم فا تخيلوا بقة الهرجلة اللى حصلت فى الاتوبيس ده يقوله ده مكانى، انا عديت الكراسى، وده يقوله ماليش دعوة انا، خلاص شوفلى فين الكرسى بتاعى وانا اقوم وكانت ليلة والاتوبيس اتأخر بتاع نص ساعة وانا ميت من الضحك فين وفين لما السواق طلع وبقى ينظم، اخر ما زهق بقى يزعق للناس كمان اكنه مراقب فى لجنة امتحان
تخيلوا حاجة بسيطة زى دى خلت الناس تلف حوالين نفسها



عيد ميلادى النهاردة يا ناااااس

2006-06-20T23:46:30.686+03:00

(image)
كل سنة وانا طيببببب طبعا يا جماعة مش هاوصيكم ممنوع دخول المدونة من غير الهدية واللى هايدخل من غير هدية لا يلوم الا نفسه وهاضطر اسفاً ألغى الحفللللللللة الوهمية اللى عاملها هههههههههههه فا اتصرفوا بقى تعملوا جمعية تستلفوا ماليش دعوة انا
يلا أشوفكم بالهدية
:P



أصل الكلمات

2006-06-02T18:39:04.050+03:00

لولا أحلام ما كان هذا البوست الموضوع بإختصار هو الكلام اللى بننطقه ده أصله إيه أو ليه سموه كدة وأنا عندى مجموعة معلومات بسيطة عن أصل بعض الكلمات الإنجليزية والعربية وعندى معلومات عن الفرق بين بعض الكلمات الإنجليزية التى تؤدى إلى نفس المعنى وحبيت أعرضها هنا لما فيه من إفادة وتأمل فى الكلمات التى ننطقها دائماً Bringكلمة إنجليزية معناها يُحضر وأصل هذه الكلمة British Ringلأن الإنجليز فى الماضى كانوا يستخدمون الجرس فى النداء على الخادم ليُحضر له الأشياءوالفرق بين Bring-Give-GetBringيعطى شىء أمام الناسGiveأصلها God liveيعنى يعطى شىء لإستمرار الحياة أو تعطى شىء لشخص والشىء ده مهم جدا للشخص دهGetيعطى شىء فى السر والخفاء-----------------------------------Imageما فكرناش قبل كدة ليه لما نيجى نخزن اى صورة من كاميرا ديجيتال على الكمبيوتر او حتى الصور اللى بتبقى مع الويندوز مثلا بيبقى اسمها Imageليه ما تكونشPhoto-Pictureلأن أصلة كلمة Imageهو Immortal Ageأى العمر الخالد -لأن اى صورة بتتحفظ على الكمبيوتر او على اى جهاز لو جيت بعد مليووون سنة هاتلاقى الصورة زى ماهى ما حصلهاش حاجة لكن لو اى صورة تانية محفوظة فى درج مثلا هاتيجى بعد فترة هاتلاقيها اصفرت ودبلت----------------------------------------Los Angelesوطبعا دى عاصمة كالفورنيا وسميت بالاسم ده لان معناها (فقد أقل ملائكة) لان كالفورنيا تقع فى مكان عالى من الكرة الارضية ولو حصل زلزال قوى البيوت كلها هاتقع من الارتفاع العالى ده ومافيش حد هاينجو ساعتها فا هما معتقدين ان ربنا غضبان علي المكان ده وان مافيش ملائكة بتحرس المكان---------------------------------------Goodأصلها Grow Woodهى مجازاً عن نمو الشجر أى بمعنى إن الشجر يأخذ وقت للنمو -نفس الكلام فى كلمة Goodمثال على ذلك - إذا سألك شخص عن حالك او صحتك فالرد هايكون Goodأى انا بحال جيد ولكن أحتاج وقت لكى أكون أفضلوالرد الأفضل يكونFine---------------------------------------O.Kأصلها Order of The Kingيعنى موافق بدون جدال لانه أمر ملكى - بيفكرنى بنواب مجلس الشعب بتواع موااااااافقة----------------------------ده كان بعض الكلمات وأصلها هاعرض دلوقتى كلمات لها نفس المعنى وهابين الإختلاف ما بينهمكلمة مدير Directorمدير يطبق القانون بدون وسيطMangerمدير متصرفChairmanمدير على كرسى غير دائم - أى بمعنى ان كرسى الإدارة ثابت ولكن دائماً ما يتغير المديرPresidentResidentبمعنى مقيمإذاً معنىPresident مدير من داخل المنشأة وهى بمعنى رئيس الدولة أيضاً ونرى هنا أن أى رئيس دولة مقيم بداخلها وأصله منها وليس شخص [...]



أنا خلصت يا ناس ياهووووو

2006-06-01T17:38:07.923+03:00

(image)

هيييييييييييييييييييييييييييييييييييييييييه أخيرررررررررررا خلصت أخر إمتحان لية كان أخر يوم لية فى امتحاناتى النهاردة قلت بقى يا واد يا سويدى تروح تطلع اللعب وتفضل تلعب لغاااااااايت ما تزهق وتطلع العجلة وتفضل تلف فى الشوارع وشوية والعب الجعران مع العيال وشوية أطير طيارات ونلعب مسوكة الملك ونلعب كووورة فى الميدان لغايت ما عم عبدالله صاحب القهوة اللى فى الميدان يجرى ورانا بعكازه وياخد مننا الكورة وشوية ونجيبها منه ونروح نلعب بعد القهوة بشوية يجرى ورانا عم أبو سمير البقال بعصاية المقشة وبرضو ياخد مننا الكووووووورة بس ده كان بيقطعها على طوووووووول ودايماً كنا نختم اليوم بتاعنا بلعبة مسوكة الملك وساعتها كنت بطلع انام فى بيتنا وما اتمسكش واكون انا الكسبان وابقى الملك هههههههه والله أيام زى العسسسسسل قول للزمان إرجع يا زمان.م
.................................
ده كان جزء صغير من احساسى بالأجازة أيام طفولتى المشردة بعد عناء سنة دراسية كاملة حشو مخ بكلام مالوش دعوة بأى حاجة فى الحياة
---------------------------------
دلوقتى بقى إحساسى انى خلصت امتحاناتى ويمكن تكون أخر إمتحانات لية إجبارية مملة ده لو نجحت صافى .. إحساس مختلف هو أحلى ما فيه إن مافيش حد هايقولى ذاااااكر وإحساس احلى انى مش هاشغل بالى تانى بحاجة انا بدرسها ومش بحبها ولا هاستخدمها فى حاجة ياااااااااا على الرااااحة أخيرا هابتدى افوق أخيرا هابتدى أشوف أنا عايز ايه وعايز أوصل لإيه
عقبال كل اللى لسة مخلصوش دراسة ياااااارب تخلصوا على خير



تاج عجبنى

2006-05-13T02:41:36.133+03:00

يا جماعة التاج ده لاقته عند غادة مع نفسى وعجبنى جداًافتح أقرب كتاب إليك، على الصّفحة 18، السّطر 4قال الحافظ ابن حجر: ويشهد له ما رواه النسائى بإسناد صحيح من حديث معاوية بن قرة عم أبيه مرفوعاً - فى أثناء الحديث - : مايسرك ان لا تأتى باباً من ابواب الجنة ، إلا وجدته عنده يسعى يفتح لك. من كتاب صفة الجنة لإبن كثيرمطّ ذراعك اليسرى قدر ما تستطيعهاخبط فى السرير :Dما آخر ما شاهدته على التّلفزيون؟جزء من فيلم ل أنور وجدى وفاتن حمامة مش فاكر اسم الفيلم بدون أن تسترق النّظر، تكهن كم السّاعة؟1.15 AMوالآن كم السّاعة فعلاً؟1.13 AM باستثناء صوت الكومبيوتر، أيّ صوتٍ تسمع؟صوت همس من التلفزيون والدتى بتتفرج وصوت همس برضو من عند الجيران ههههههههههههمتى خرجت من المنزل للمرّة الأخيرة؟ ماذا كنت تفعل؟خرجت النهاردة الساعة 4 ورجعت الساعة 10 كان عندى درس تكاليف طلبة أخر زمن بتوع الدروس دول والله:Dقبل مباشرتك بهذه الأسئلة، أيّ موقعٍ كنت تتصفّح؟بلوج غادة مع نفسىماذا ترتدي الآن؟بنطلون زيتى وتيشرت أبيضهل حلمت ليلة أمس؟مش فاكر انا معظم احلامى بصحى مش فاكرها ومش فاكر اذا كنت حلمت ولا لامتى آخر مرّة ضحكت؟النهاردة فى الدرس واحنا بنشتغل المدرس اصل بنحضر فى قاعة عشان المراجعة وعدد الطلبة بيكون كتير فا بقعد ورا خالص أنا وشلتى وهاتك ياضحك واشتغالات فى المدرس:Dماذا فوق جدران الغرفة حيث تجلس؟ساعة ومراية وشماعات هل لاحظت شيئاً غريباً مؤخّراً؟ان إشارة روكسى النهاردة ما كانتش زحمة اوى وفتحت بسرعةما رأيك في هذا الاختبار؟لذيذ ما آخر فيلم شاهدته؟كينج كونج واحوليت منه بصراحة كل شوية وحش يطلعلهم ويجرى وراهمإذا أصبحت فاحش الثّراء، فماذا تشتري؟فيلا كبيرة فى مصر الجديدة وفيلا كبيرة برضو او شاليه عالبحر فى اسكندرية وشوية عربيات من اللى بشوفهم فى المسلسلات الكويتى دول بصراحة بحسدهم - عينى هاتطلع عليهمممممممم ههههههههههههأخبرني شيئاً أجهله عنكبصدق أى حاجة بسرعة إذا كان بإمكانك تغيير شيء واحد في العالم، بغض النّظر عن المعاصي والسياسة، فماذا تختار؟مترو الأنفاس اللى هو مترو الأنفاق يعنى بمصر بمترو أخر صالح للبنى أدمينجورج بوش؟بلوة من بلاوى الزمنلو كان وليدك الأوّل فتاةً، فماذا تسمّيها؟مش إذا اتنيلت اتجوزت هو فى حد بيتجوز فى الزمن ده ؟؟ بس بجد مش عارف اسميها لو كان وليدك الأوّل صبيّاً، فماذا تسمّينه؟برضو والله مش عارف ساعتها ه[...]



مذااااااااكرة

2006-05-09T15:47:08.760+03:00

(image)
قال يعنى انا بذاكر قوى ومقطع نفسى من المذاكرررة ده حتى الكتب بتشتكى منى ده إذا كان فى كتب أصلا أصل أنا بقضيها ملازم ودروس وكدة .. فشل بقى .. وواخد اجازة من الشغل عشان أدِح ... أنا بكتب البوست ده وأنا متضايق موووت هو بالظبط فى الوقت ده من كل سنة بحس بنفس الاحساس ، إحساس إن الإمتحانات قربت وأنا لسة ما ذاكرتش حاجة ... على العموم دى المفروض أخر سنة لية فى التعليم الإجبارى الممل ربنا يعدى الأيام دى على خير.



الإرهاب والكباب

2006-04-22T23:23:14.910+02:00

(image)
بالأمس كنت أشاهد التلفزيون عنية وقعت على فيلم هو من وجهة نظرى فيلم رائع وجرىء طبعا عرفتوا اسمه من اسم البوست (الإرهاب والكباب) كنت أتفرج على الفيلم ده وانا صغير بس ما كنتش فاهمُه كان كل اللى يهمنى انى أسمع اغنية الكباااااااااااب الكبااااااااااااااب هايخلى عيشتكوا هباااااااااااااب هههههههههههههههه
لكن لما اتفرجت عليه امبارح لاقيت ليه طعم تانى خالص عشان فهمته وأد ايه هو بيصورلنا المواطن المصرى المطحون والمظلوم والمغلوب على أمره وأد ايه بيتعب عشان يقضى مصلتحه فى جهة حكومية
وبيصورلنا الموظف اللى على طول مش قاعد على مكتبه والموظف اللى طول النهار بيصلى وفاكر انه كدة بيرضى ربنا وهايدخل الجنة ما يعرفش ان لعمله حق ولقضاء مصالح الناس حق
وبيصورلنا ازاى المواطن العادى اللى رايح يقضى مصلحته أصبح ارهابى بالصدفة وذلك دليل على الكبت اللى بداخله وإن اللى بيوصل لمرحلة زى اللى وصل ليها بطل الفيلم ليس الا مطالباً لأبسط حقوقه وليس أذية الغير كل همه انه يكون عايش عيشة نضيفة والناس كمان تكون كل حاجة كويسة متوفرالهم
يا ترى فى مصر فى كام مواطن مظلوم ومغلوب على امره زى بطل الفيلم وكام موظف زى الأستاذ مدحت موظف المجمع طبعا كتيييييير وما تعدش ... ربنا يعدينا منها على خير
بس أحلى جملة عجبتنى فعلا فى الفيلم (إن فى أوروبا والدول المتقدمة بيعاملوا الناس على انهم بنى آدمين) ههههههههههه
تحية لهذا الفيلم الرائع وتحية لعادل امام المواطن المطحون فى الفيلم.م



علّى صوتك

2006-06-18T07:49:00.796+03:00

(image)
دعوة لكل المدونين المصريين
علّي صوتك آخر عنقود المجلات الالكترونية المصرية
ترحب وتتشرف بنشر كتاباتكم
أي نوع وأي اتجاه سياسي أو أدبي أي مقالة أو رأي بحرية تامة ودون تعديل حرف واحد مهما كان
ومهما كلفنا الأمرنحن نحاول رد الجميل للمكان الذى جمعنا نحن محررى علّي صوتك فكلنا كنا ولا زلنا نفخر بأننا مدونون
علّي صوتك بالتأكيد نحن مختلفون
إمضاء
freedom



ومازال الإستنزاف مستمر

2006-03-16T19:28:58.113+02:00


(image)
مش عارف أنا ايه ده !!!م

ماشى إمبارح فى امانة الله رايح درس فى المنيل وبتمشى دايما من محطة مترو السيدة زينب لحد منتصف شارع المنيل كدة ، أوم ايه ابص حوالية كدة الاقى حاجة أصفرة كدة معدية أدقق شوية أبص الاقى مكتوب عليها (كايرو كاب) بالإنجليش ولا عزاء للتاكساجية طبعا لا عزاء للتاكساجية دى من عندى عرفت ان ده مشروع تاكسى العاصمة أو بمعنى أصح مشروع استنزاف المبلغ الصغير المتبقى من راتب الموظفين الذين لا يملكون سيارات ملاكى عشان يخلصوا على المرتب كله وبلا وجع دماغ وتحويش وكلام فارغ من ده تحويش ايه يا راجل!!!م
للى ما يعرفش تاكسى العاصمة ده عبارة عن تاكسى مكيف وجديد لانج بكارتونته سيادتك تتصل بيه يجيلك فى أى حتة ومزود بعداد ديجيتال عشان يمص دمك فى التوصيلة وطريقة المحاسبة بالكيلو متر أول كسر للعداد حوالى تلاتة جنيه وبعد كدة كل كيلو بجنيه يعنى انا مثلاً لو ركبت الحتة اللى بمشيها دى بتاكسى عادى من محطة مترو السيدة لشارع المنيل ب إتنين جنيه ولو ركبت تاكسى العاصمة هادفع سبعة جنيه هيييييييييييييييه يا فرحتى....م
طبعا يا جماعة لا تعليق ومشروع مالوش اى لازمة وهايعمل زحمة فى الشوارع اصل انتوا عارفين ان شوارع القاهرة واسعة جدا وفااااااااااااضية واللى فكر فى المشروع ده قال ازحم الشوارع شوية لحسن الاجانب يقولوا هما اهل البلد
عزلوا منها ولا وايه؟
(image)

وسلام بقى عشان نازل الناصية الجاية ..... على جمب يا اسطاااااااااااا




الهدف

2006-02-17T20:08:48.726+02:00

الهدف
(image)
يااااااا كلمة تقيلة أوى على قلبى بتضايق جداً لما بسمعها وده لأهميتها فى حياة اى انسان وبتضايق أكتر مع قرب نهاية دراستى الإجبارية المملة ولسة لحد دلوقتى ما حددتش هدف واحد أوصله والمشكلة الأكبر انها أهداف مش هدف واحد بس هى عبارة عن هدف رئيسى متفرع منه أهداف فرعية أخرى .... بتضايق منها لأنى مش عارف الاقى لها مكان فى حياتى كل لما الاقى ليها مكان الاقيها هربت منى مع ضغوط الحياة حاولت كتير أثبتها ولكن كل مرة بتهرب مش عارف أعمل ايه بجد .... قلت لنفسى كل مرة أقول انا هاقف وقفة جادة مع نفسى ومش هاينفع كدة وسرعان ما أتكاسل وابتدى أنسى مع الوقت انا حددت ايه اصلا وده نتيجة خوف من داخلى انى احدد هدف وما اعرفش أوصله فى النهاية ياااااااا الاحساس ده بيتعبنى جدا تفتكروا الوقت هايعدى منى وأخسر فى الاخر بسبب انى ما حددتش هدف أوصله ولا لسة أدامى وقت كافى وإن فى غيرى ما فكرش حتى ان فى حاجة اسمها هدف .
بجد ساعدونى بأنسب طريقة أقدر أحدد بيها هدفى وإحكولى كمان هل انتوا قدرتوا تحددوا هدفكم ولا لا... ومنكم نستفيد ولك الثواب عند الله يا فاعل الخير .
هو مال البوست قلب شحاتة كدة ليه؟ هههههههههههههه ... يلا أنا مستنى
(image)



زمااااااااان

2006-01-31T19:40:44.200+02:00

ما أجمل أيام زمانمش عارف ليه وانا قاعد بينى وبين نفسى دايماً أقول يا سلام لو الواحد كان اتولد فى جيل والدى كانت أيام جميلة زى ما بيحكولى وأكيد أنتوا كمان بتفكروا فى كدة كانت أيام كلها بركة وماحدش بيحمل هم حاجة زى دلوقتى مع انها كانت أيام كلها حروب وأزمات ومع ذلك كانت احلى أيامكنت بحس ان الدنيا زمان كانت أبيض وأسود هههههههههههه مافيهاش ألوان لكن بالعكس دى كانت كلها ألوان أكتر من دلوقتى تعالوا نشوف الدنيا زمان كان شكلها ايه؟يا سلام على زمااااااان يا جمال الأهرام زمانتخيلوا إن ده ميدان التحرير اللى ما تعرفش تمشى فيه دلوقتىيا جمال الترماى والناس اللى متشعلقة فيهأزمة من أزمات زمان ومع ذلك زمان أحلىيا روعة النيل تمثال إبراهيم باشا (أبو أصبع)هههههههههههه وميدان الأوبرا اللى ما تعرفش تعدى فيه الشارع دلوقتى من الزحمةودلوقتى يا جماعة نفسكوا كنتوا تعيشوا فى الزمن الجميل ده ولا زمن دلوقتى اعتقد الزمن الجميل هى الاجابة بدون تفكير فعلا ما أجمل أيام زماااااااان[...]



عطشان تعالى اشرب

2006-01-20T03:56:58.080+02:00

(image)

أوه لا لا
وتتوالى لقطات المصورين النادرة بالشوارع لنجد لقطة طريفة لسائق تاكسى معلق أولة مياه على شبكة السيارة أيوة الله أولة مياه
طب أنا عايز اعرف يعنى هو مش ممكن لو فرمل جامد شوية تروح الأولة واقعة متدشدشة فوق دماغ واحد قصير ماشى فى الشارع لا حول له ولا قوة ممكن ولا مش ممكن؟ ولو عايز يشرب مثلا يمد ايده يجيبها ولا يقف على جمب ويشرب؟؟ ولا ايه ظروفه الراجل ده حاجة تحير والله
والله الشعب المصرى ده شعب لذيذ مووووووووووت وبياخد كل حاجة ببساطة
واليكم النص المكتوب على الصورة
يا رايق !! على كوبرى أكتوبر التقطت عدسة أخبار الناس هذه اللقطة لسائق تاكسى يسير بسيارته التى تحمل مشهداً فكاهياً من وجهة نظر كل من يشاهده فقد علق (قلة مياه) فى مقدمة شبكة السيارة ليشرب منها عند اللزوم وليس هناك مانع من عزومة الركاب على مياه مثلجة